السلام عليكم ..
قبل ايام اثنا زيارتي للسعودية لاحظت مثل مالاحظتم أخواني
في العدد الاخير من مجلة المرحوم الامير طلال الرشيد .. مجلة فواصل
ان صفحة مقال ابونواف الله يرحمة المنزوعة...
مع ان المقالات اللي تنشر في صفحة ابونواف كلها معادة طبعا ........
وبعد مارجعت للكويت اليوم اكتشفت ان الصفحة المنزوعة بسبب
قصيدة في طلال الرشيد للشاعر تركي حمدان .........والقصيدة في
غاية الروعة والابداع .......... وحرام انها ماتظهر للناس وعشاق الشعر
ولمحبين المرحوم الامير طلال الرشيد
هذي صورة من الصفحة المنزوعة بعدها القصيدة الرائعة ...............
عاهدت شعري على العزة وصنت العهد=فلا مدحت الملوك ولا هجيـت العبيد
رفعت شعري عن العالم رفعته صعد=لين ارتقى هامة الغيم القصي البعيد
على بساط الندى بيده عصاة الرعد=يومّي بها للمطر ويجيب حلو القصيد
والبارحة مجلسه رووس المزون وسجـد=غـزّ البيارق يحسبنـّه بمجده وحيد
الغيم تحته وناظر فوق ما شاف احد =إلا هكا الطاهر الحرّ الملاك الفريد
هو من يكون الذي ما بعده الا الصمد !؟=ردت نجوم السما : هذا طـلال الرشيـد
ما تعرفه !؟ وانطوى مزن وتطاير برد=قلت اعرفه واعرف اني لو جهلته بليد
أي السناعيس ما ينكر وهو فى المهد=وشلون يخفى الذي نوره طوى كل بيد ؟!
هذا الأمير الأمير ابن الأمير وبعد=أبو الأمير وبعد سيّـد على كل سيـْد
رجله وطت هامة الدنيا وكفه عقد=حبل ٍ مسد قـاد به مهر الزمان العنيد
هذا الذي في الصحيح مْن المراجل ورد :=إنكار قدره من افعال الذليل الشريد
في حضرته تحلف ان الضيّ يملك جسد=وبغيبته تدرك الوحشة بكلمة فقيد
بسام ثغره وسيع ٍ صدره بْلا جهد=و " بلا جهد تفرق السيد عن المستسيد
أرحم من السلم مادامت تجي بالجلد=واقسى من الظلم لاصارت بفل ّ الحديد
له قلب ٍ اسطا من الحـرّ بنهار الهدد=واعذب من الغيمة اللي صبحها يوم عيد
غزير جوده يعدونه ولا لـه عـدد=في كل يوم يتبين من قديمه جديد
اليا غضب ما حرم محتاجه من المدد=وليا رضى ما رحم عدوه من الوقيد
قلب ٍ سطا ما نشد قلب عطا ما نشد=واقلبه اللي معه يمشي على ما يريد !
إيه اعرفه يا مصابيح السما واعتقد=لو طال عمره كثير من الرواسي تبيد
واحلف برب ٍ رفع سبع السما بلا عمد=لليوم ذكرى رحيله غصة ٍ بالوريد
فـلا نسـيناه ابد فقده تقل يستجد=ولا سلـيناه ابد لو قيل يكتب شهيد
===
عاهدت شعري على العزة وصنت العهد=فلارجيت الملوك ولا هجيت العبيد
الطيب اجازيه طيب وللنكادة نكـد=ماهوبنا اللي غدا سلمه وحربه قصيد
رفعت شعري عن الدنيا رفعته صعد=للمجـد والمجـد في حضرة طلال الرشيـد
الشاعر تركي حمدان