اللي صباح العيد جت عايدتني

مساكم الله بالخير

اخواني الكرام كل عام وانتم بخير

ومن العايدين بعد الزحمه

اضع بين ايديكم هذه القصيده الجديده والغاليه على صدري واتمنى

ان تنال على اعجابكم

اللي صباح العيد جت عايدتني=يسعد صباحه بالورود النديه
كل عام وأنتي بخير ياحاشمتني=بنت الرجال أهل النقا والحميه
والله ماعرفه يالو كلمتني=واللي عرفت أن أصلها شمريه
تقول يالشاعر ولا جاملتني=حبيت أعايد بس هذي القضيه
أهلا هلا من طيبها وأسعدتني=أنا أشهد أنه بنت ناس أجوديه
تستاهل الأشعار لو ما طلبتني=وأنا عطيته هالقصيده هديه
غصبٍ علي من فعلها وأجبرتني=بنت الحمايل أمدحه وش عليه
بأسلوبها ياناس حيل أذهلتني=منهو الحضيض اللي عشق هالبنيه
والله يالولا سلومنا ماحدتني=كان شبعت به هالعيون الشقيه
لكن سلومي ياعرب ماعصتني=عيب على اللي ياردون الرديه
أغليت دارٍ تسكنه وأشغلتني=حايل عسى له مزنة عقربيه
يابو بدر هاك البيه شعتني=ليا صار عيبه طيبها العسوجيه

وسلامتكم

 

 

 

 

 

 

 

 

 

 

عمر الهمزاني


لي الشرف اكون اول من رد عليك

قصيده اكثر من رائعه هذا اقل شي بحقك

عساك دايم على القوه

دمت بعز

 

 

 

 

 

 

 

 

 

 

سلمت
صح السانك وصح فكرك وطااااب حرفك
وشاكرين لك هالقصيده المممميزه جدااااا
لاهنت ولاعدمنا ابياتك العذبه
وعيدك مبارك وعساك من عواده

 

 

 

 

 

 

 

 

 

 

صح لسانك الله لا يهينك . قصيده جميله

 

 

 

 

 

 

 

 

 

 

صح لساااانك مبدع

 

 

 

 

 

 

 

 

 

 

صح السانك اخوي عمر شاعر ماشالله عليك الله يعطيك الصحه والعافيه

 

 

 

 

 

 

 

 

 

 

صح السانك
لاهنت
تحياتي
#عروق الوفا#