اقتباس:
المشاركة الأصلية كتبت بواسطة اديب
ماشاء الله على الديمقراطية
جعل الله تجمعكم تجمعاً مرحوما وتفرقكم تفرقاً مصوما
وياليت تعطينا نبذه عن عشيرة ال عجي واكون شاكر
علما بأن المنطقة التي حددتها غالبها يسكنها الزميل والسلمان
وتقبل تحياتي
|
حياك .. منور
حنا عيال عجي والعزوة ازميل = وفعولنا بالطيب ماهي خفايا
ياناشدن عنا ترى نذبح الحيل = ابخبرك واهديك علمي هدايا
ربعي هل الردات ربعي هل الخيل = ربعي ليا عدت فعول الطنايا
اميرنا بشير اللي قام بالشيل = اميرنا اللي مايهاب المنايا
اميرنا بشير و ناصر مداهيل = لضيوفهم واللي نصوهم عنايا
آل العجي صعبين ماهم تساهيل = البدو واللي ساكنين القرايا
دخيلهم يانس بزين النعاليل = ويسلأ بزينين العمل والسجايا
ويوم المغازي والسيوف المساليل = ياما غزوا وياما خذوا من سبايا
كم مرتن غاروا على الجيش بالليل = وهجوا عداهم مثل روس العطايا
عدوهم لو كان جيشه كما السيل = يرجع كسير إن كان فيهم بقايا
ياما وياما فرقوا خيل عن خيل = وخيل العدو تارد وتصدر ضمايا
اللي يعاديهم يشوف الغرابيل = يذوق من نار المعارك بلايا
وياما وياما طوحوا من محاحيل = ورووا عدول البل وصدرت ملايا
حنا بنينا المجد غصبن بتذليل = غصبن على المبغض خبيث النوايا
مما قال الشاعر / راكان دواس المشيط
نبذه بسيطه عن ال عجي ( مع العلم ان فيه مواضيع عن الزميل والعجي في هذا المنتدى )
نسب ال عجي : عجي بن سهيل بن عبدالله الزميل
واقسامهم
1-
الرمحان : وهم
الحقروص
2
السرعوف :
ومنهم الطعيميس .. المتروك .. الغريس
3-
السنعوس :
ومنهم المشيط .. الحسيان .. الثفينه
ومعرف فخذ ال عجي / الشيخ بشير علي المغيص السرعوفي
والثلاثي السهيل :( العجي ) ( الودي الثنيان والسلمان )
اما عن المنطقة الحفير فأسكنها اغلبية الزميل .. السلمان .. الثنيان .. العجي .. الذرفان ... الشيحه .. اللويش ... الخ
صورة من مخيم ال عجي 1431هـ ( تقاطع الحفير - نايلات )