بسم الكريم مصوّر الخلق تصوير= سميت من قبل البيوت أعتمدها
ناصر رسوله بزدحام الطوابير= في بدر جيش الشرك فرّق مددها
سبحانه العالم وليّ المقادير= الواحد اللي كل مؤمن عبدها
وسلام ياجمع الرجال المشاهير= ينساق مع بيض(ن) تبيّن عددها
الوالمات الحاضرات المباهير= عند الرجال اللي رفيعن مجدها
حضوركم عز وشهامه وتقدير= وقبالكم فخر العزاز وسعدها
وصيور غير يصير ويصير ويصير= تكريم راع الجود مطلق عقدها
بذن العظيم مدبّر الكون تدبير= محي العظام الباليه من لحدها
يابن ركاد سعود يامنبع الخير= نرفع لك البيضاء بعالي عمدها
طالت على روس الطوال العناقير= تميّزت بين المفاخر وحدها
كسابها ما رجّح الراي لمشير= براسه جزيلات النوايا فردها
رب الملا نوّر له الدرب تنوير= يمناه عاشت بالوفاء من مهدها
جزام للقمّه على موقّع الطير= حراً شموخ العز كفّه وردها
أهل الحميّه غير وافعالهم غير= من دون شمّر ما يتوانا جهدها
أسلومهم بين القبايل مغاتير= الأسلمي راس المعالي صعدها
خذ الوكاد وهاك موجز وتقرير= عن قصّة(ن) هذا المكرّم أسدها
صدق الدلايل بينات(ن) بواكير= أرجع على الأم الحزينه ولدها
أزال همّن حيّر العقل تحيير= أبعد عن العين الشقيّه رمدها
أعفاه من سيفٍ حدوده شواطير= لله ماكثر الفوائد قصدها
يبي العوض من كوّر الشمس تكوير= الله يجزاه الجنان ورغدها
مهما كتبنا به من الشعر تعبير= الأوّله تسلم يمينه حصدها
ولاهي غريبه من طوال الأشابير= قبيلةٍ من لآذ فيها وجدها
ساس الكرم لو كشّر الوقت تكشير= أهل الحيّسه كل صادق حمدها
ما يدرك الطولات غير المناعير= رجال(ن) على العلياء ثباتٍ وعدها
وياسعود أمير المنطقة عشت يامير= لك كلمةٍ عقل المفكّر رصدها
قال الصفح نهج الكرام المسافير= والأسلمي سمح النوايا سندها
وكسبت يابراك حشمه وتوقير= وجوفان جزلات العزايم حشدها
الفعل واضح والهدف شبه تذكير= مواقف الأجواد محداً جحدها
وجديع وفهيد أبلغونا التباشير= روس الحرار اللي ينوّمس هددها
من حفر الباطن لحائل مشاوير= مجهود وأهل الطيب يظهر وكدها
هاك الثبات وفسّر القول تفسير= أهل الصمايل ماتغيّر عهدها
من فضل رب الكون مافيه تقصير= يابن الوفاء زيد النواميس زدها
كل يوم يسطّر لتواريخ تسطير= مجداً لشمّر سارين مع جسدها
يجري بشريان النشاما المغاوير= أتورّثه ناس(ن) لناسٍ بعدها
ماهي وراثة جامعين الدنانير= غير القدايم نفتخر في جددها
حرر على صفحات الأمجاد تحرير= لقبيلةٍ من جاوره منتقدها
الشامخين الصاملين البواتير= عزازاً لو الدنيا عنيداً نكدها
يومنها صولات عند المعاشير= الياقسى القاسي على القاسي أدها
صويبهم مايضمّدونه جبابير= ودخيلهم روس المعالي شهدها
ما جهّزو دون المنادي معاذير= قبيلةٍ تميّزت في زهدها
يـا أحمد الخشمان بآدرت تبدير= مشاركة بأسم الخميس أعتمدها
رجالٍ شيمها ماتهاب المخاسير= والسابقة بالمآد تظهر بيدها
من لآيحضّر للمهمات تحضّير= يموت معركة الشّرف ما هجدها
وكل القبايل له معزّه وتقدير= لآعاش من طيب الرجال يحسدها
وصلّو على محمد ولله تكبير= مالآح برق وماترزّم رعدها
من لآيحضّر للمهمات تحضّير= يموت معركة الشّرف ما هجدها
العرض العادي
