مساكم/صبحكم الله بالخير جميعا
لكل شمري بمنتداكم
اضع لكم هذه القصيده المتواضعه وهي مدح بقبيلة شمر عموما
وهي قبيله غنيه عن التعريف
لما قرأت موضوع(وين الشعر والشواعير) بهذا المنتدى حبيت انظمها وانزلها بهذا المنتدى العريق بأهله
واتمنى تنال على ذائقتكم الرفيعه والمعذره من القصور
هاض الشعر من فكري الضرغامي=واخترت قافيه سناها حامي
اخترتها ضمن البيوت الندر=حتى ذلولي درهمت قدامي
ناديتها يالشيخه المزيونه=فكري لجل زينك شقي وضامي
قامت تفاخر واستعدت قالت=انا الفكرك عروسه شد حزامي
قلت الله المعطي ماغيره معطي=يالله تلهمنا الصحيح الهامي
عنوان قافي مدح لابة شمر=اهل الوفاء واهل المقر السامي
قافي سرجته للطنايا نيابه=عني وانا اعتبره شرف ووسامي
شمر طنايا الطيب ياجاهلهم=مبطي لهم مجدٍ تليد اعوامي
شمر سنام المجد هو مرقاهم=الطيب كوكبهم يبث اعلامي
شمر عريبه لابة مشهوره=مع كل دوله وابصمه ببهامي
اهل الحيسة مكرمين الطرقي=ان جاهم يحصل شبب واكرامي
شمر لو امدح من هنا للباكر=مأحصيت مدح الشمري بقلامي
شمر غنيه عن شهادة شاهد=اصغرهم الياقام حر قطامي
قلته ولالي حاجةٍ مطلوبه=لاكن اعد الطيب عد ارقامي
قلته وانا من لابةٍ معروفه=بالطيب والعز الشموخ نحامي
ويلان مرقانا سماء للعليا=نلبس ثياب الطيب لبس احرامي
واختامها على الرسول محمد=صلوا عدد مسلم تقي وصامي
محبكم/سلطان سعد النومسي