بعد السلام وأجمل عبارات اللقاء والاحترام
مساء/ صباح الخير والرضا
أبيات من جديدي أرجوا أن ترتقي للذائقة/
جدّيت في مزحي ومازحْت بالجدّ=واليوم مدري بين مزحي وجدّي
عدّيت أنا من واحد ولا انتهى العدّ=والحين ليت ايعود واحد لعدّي
وأرجع على ما كنت لي ساحة وحدّ=وأعرف أنا حدّي ومن هو بحدّي
اللي مضى يا روح ما راح ينردّ=واللي وصل دامه وصل ما يردّي
رقيت قمّه ما توصّل لها حدّ=وحوّلت في قاع وتعرّفْت حدّي
ليت القصيد اللي كتبته يجي قدّ=ربع الشعور اللي بكبري وقدّي
مشيت في صحراي ما أنزل ولا شدّ=عانيت من لوعي وكربي وشدّي
خلاص بافضفض وبكشف عن السدّ=سدّيت نفسي من كثر سدّ سدّي
يا زين وش قصّة محبّتْك والودّ=والله يا زين أني أحيان ودّي
أدخل على بيتك وأورّيك باليدّ=وشلون قلبي ينتفض فوق يدّي
مدري من أقبل بعدك أن جيت للجدّ=لا يا بعد عمّي وخالي وجدّي
الله يسامح من جعل بيننا صدّ=حطّم مشاعرْنا وقفّى وصدّي
وسـلامتكم
أخوكم
.gif){kind=icon}
{ لا يا بعد عمّي وخالي وجدّي }
رد: { لا يا بعد عمّي وخالي وجدّي }
العرض العادي
