يقول الشاعر / خفيج بن عبدالله بن رمال الشمري :
في مدح الشيخ عبداللطيف العقل الثويني ابن قشعم
يامرحبا بعداد ما هل همّال = اليا نثرنه زاجرات الرواعيد
بالشيخ ابو منصور كسّاب الأنفال = شيخ ٍ ولد شيخ ٍ مضى له مواريد
جدّه تمركز بالحساء يوم الأفعال = يوم الصيال ودور وقت المجاريد
وثامر تبين يوم للرمز زلزال = واسس لنا بالقاع رسم ومجاويد
وجدهـ الثاني للمناعير مدهال = عليه ثكلات النضى له مواريد
على غدير الشيخ سوّس له اميال = بخشم الرعن تأتيه الأنضى جهاديد
وساد العراق القشعمي طلق الاشبال = وساقوا له الجزيه على كيف ما يريد
واصغوا وزكوا له شغاميم الابطال = بالسيف طوّع ناقلين البواريد
بالسيف الارخم اودع الناس ذلال = وذلت له صعول الرجال الصناديد
القشعمي جبار وللراي فتال = حلحيل صعصيع يخيف الاضاديد
يفعل ويرسي وللثقيلات شيال = وجد ٍ لجد ٍ يكسبون التحاميد
تاريخهم مفهوم بماضي الاجيال = من قشعم الاول لضيغم معاويد
ولبو ربيعة معدّل الشيل لى مال = اليا اصفرن مزن الرجال الرواعيد
من خشم سنا زاغ من غير دلال = من ايمن خميس مشيط وذيك الجلاميد
وزاعت جهامتهم على غرب وشمال = واقفت جهامتهم كما جايل الصيد
ونجد نفضوها وغربن مع شفا الجال = جالن وزاعن مع صحاري هكالبيد
ومروا جبل سلمى وفاتوا على الفال = وتمركزوا بوادي ٍ له مسانيد
بين الجبال اللي لهن مجد وظلال = وتحالفوا ما بينهم بالمواكيد
وتحالفوا ما بينهم برد الاقوال = زوبع وعبدة واسلم بالتراديد
وزتوا بهيج زتت تطني الحال = وخلى جباله والنخل شمخ الغيد
واقفى غشيش وينثر الدمع هلال = وفض للعراق وقال مابه مقاعيد
وزوبع وعبده واسلم لهم تمثال = يوم الرماح ودور وقت المهانيد
ومن زارهم اسقوه سم ٍ وسلال = وعنهم كبير الجمع يحيّد تحاييد
واليا وتوهم من الاضاديد عيّال = عادات شمر يزهمون الاضاديد
هذا ونختمه على حسن الاعمال = تنشر علمنا يوم ناشد وتنشيد
يقول الشاعر / خفيج بن عبدالله بن رمال الشمري :
العرض العادي
