اخواني وخواتي
نصيحه لآبني طلال
عسى تنال اعجابكم
طلال خذ مني ملخص وتــــــــــــــــقدير= اسمع وصاتي وحفظه با سجلي
واشفق على طاعة والي المـــــقا دير= واركع مع الي بالمساجد يـصـلي
وارض الولي بالحق لو يزعل الــــــغير= وعند الحدود الحارمه ال تذلـــــي
وشفق على عرف الرجال الالمشاهير= الي على دروب المعليا إيــــدلي
والياجلست بين الرجال المناعيـــــــــر =حفظ السانك عن الخطاء لاتزلي
وليا هرجت اهرج بحلو التعابــــــــــــير = هرجً ينومس سامعه مايملــــي
وستر ستراك الله وعرض عن الغـــــير = تراك بعين الله وخلقه تجـــــــلي
وليا لفو بيتك ضيوفك مسايـــــــــــــــير= ايقف لهم وا ضحك ورحب وهلي
وجيران بيتك لايجي منك تقصــــــــــير = احذر على جيران بيتك تزلـــــي
واحشم خويك الو تطول المــشـــاوير = واصبر والو طال السفر لاتملي
وعامل اربوعك بحترامً وتــــــــــــــقدير = وزرعلهم في وصط قلبك محلي
رجل بلا ربعً احباله مقاصــــــــــــــــــير = لو صل دلوه لرشاء مايعلـــــــي
ولاترافق الي في ظـــــــــلم وتــزوير = وراع الخطاءوالكذب خله يولـي
مافيه خير وخوته ما بها خــــــــــــــــير = مثل المرض للحال همً يسلــي
دايم يطق بعرض ربعه مســـــــــامير = وبالغافلين اهوايته وتسلـــــــي
لسانه شطير مثل حد المناشـــــــــير = مثل خضير بالخبايث امفلـــــــي
يجمع اعلوم ماله ايات تــــــــــــــــبرير = تشبه الوجه سامجه بالتحلـــي
سيفه على ربعه قصير التــــــشــابير = وعلى المعادي قاصرً مايسـلـي
يفكر بنفسه عنتر وسالم الزيـــــــــــر = امتنومسً يبي لربعه يذليــــــي
ان منتها وعدل مساره مع الســـــــير = له يومً اسود في حياته امضلي
طلق عكف اطير المخ تطــــــــــــــيير = من كف شغمومً عديمً مـــــغلـي
بامراً سماوي من ولي المـــــــقادير = رب على كل العباد متــــــــعــلي
امره بكاف ونون يكون ويصـــــــــــير = واليا نزل مافيه عقد وحــــــــــلي
دعوات مظلومً سرت كالمعاصــــــــير= في جوف ليلاً ساجدً به يصـــــلي
تنزل كمالمح في مقادـــــــــــــــــــير= ويعيش به خزي وعذابً وذلــــــي
وعند النهايه ماتفيد المعـــــــــــــاذير= جف القلم عن مااحتواه اسجــلي
ترو انهايه وصلت حفت البــــــــــــــير= ومن حف لاعله مايعود يولـــــــي
الشاعر// طلاع الزميلي الشمري
ردر الشاعر مشل التريباني
الله يخلي لك طلال ويخليك له ياخوي ياطلاع وبيض الله وجهك على ها النصيحه وان شالله يحفظها طلال وارجو تقبل مني هذه البيتين
اناشهد انك حاكم الشـــــــعر والكنق== وانا شهد انك فارس الشعر كنقه
كبتن شعر يزهى على صدرك الونق== تزهـــــاك تيجانه ويزهــــاك ونقه
بيض الله وجه
الشاعر مشعل التريباني
بيض الله وجهك يمشعل التريباني
كفيت وفيت يالغالي