لمرشحي شمر بالخفجي

ما بغيناها انتخابات القبايل
............ومن ترشح عنصريتهم سبيلة
مار صارت هكذا لو قال قايل
.............من نجح للنفس محصوله وكَيله
بين نظرة بالمثالية تخايل
.............وبين نظرة قاصرة لعينٍ كليلة
اطلقت غلبا من السبَّق أصايل
.............سبع عليه اسباعٍ أيمانه طويلة
ونحمد الله حظنا بالعز طايل
................ليا دخلنا معترك نلنا حصيله
من اربعةثلاث والرابع لوايل
.................فوز كاسح ما يبيله ما يبيله
غير مبروك الف ألفٍ للأوايل
.............ومن تعثر فوز ابن عمه يشيله
شيلوه هوسات مع عرضات حايل
..............وعنزة دحات ودني يا حجيله
دامت الأفراح في كل الحمايل
................وبارك الله في مساعيها النبيلة
والسموحة عن خطا أو حرف مايل
................بالعجل صغناه لعيون القبيلة

((فيصل بن متعب الشمري))

 

 

 

 

 

 

 

 

 

 

هلابك اخوي فيصل وصح لسانك...تحيااااتي

 

 

 

 

 

 

 

 

 

 

صح بدنك أخي طارق لاهنت

 

 

 

 

 

 

 

 

 

 

صح لسانك ولاهنت دمت ودام عزك وشعرك

 

 

 

 

 

 

 

 

 

 

صح بدنك وسلم راسك يالغالي

مرور مشرف وعزيز على النفس

تحياتي