بسم الله الرحمن الرحيم
تحياتي لكم خواني وخواتي ان شاء الله نطل بين الفتره والاخرى
هذي القصيده بالملك عبد الله حفظه الله ورعاه
بناخي شمر اللي يفتخر بنا مثل ما نفتخر بوه
يـابو مـتـعب يا اميـري يـا مليـك الـمـجـد كـلـه =نـسـل الاحـرار الاصيـل مـعتلي صيـت الرجال
فيك عـز الضيـغم اللـي يحتـوي المـدح ويذلــه=وفيـك زول الـطيـب اللي ما يهـمه راس مـال
ياسيدي لـك هيبـتن تطـرح بهـا الرجـل وتشلـه=عيـن طيـر وقلب ذيب وشامـخن مثـل الجبـال
تواضـعك واحـسانـك ودربـك معـا ربـك تدلـه=يا عسـى لـك عنـد ربـي ضـعف مـا تبغى تنـال
حافـظـك رب العـباد يـا رجـا دمــــعـن تهـلـه=صاحبـة حاجـه تـنـادي رحـمـة الـلـه بالشـمال
مـا لقيـت من الحلـول الا قصيـدي لـك اشلـه =راجـي[ن] ياصـل جنـابك انت يا سيـد الـرجال
ادري انـي ما ذكـرت الا السنـافي فـي محلـه=وادري انـك لـو تشـوف الـحال يتـعدل الحـال
قد دريت انـي نخيـت اميـر خلـق الـلـه وخلـه=كحيـلان يـا ستـر العـذارى يا فخر عمن وخال
ما قد سمعت انك مقصر او عليـك ايـات زلـه=ما سمـعت الا انـك لراس الرجل تـاج وعـقال
سيــدي لـي كبـدي اللـي مـا ابـلـه ولا يبــلـه=غير فعلك يا معـين اللـي نصـوك بطيـب فـال
وسلامتكم جميعا
الشاعر ,, تركي المبيرد الشمري