اليـــــــــــــكم بعد غياب..
غرتك الايام مير الوقت دوار=لابد ياطاك نفس اللي وطانا
الوقت هذا يا بن الناس غدار=لابد يحداك نفس اللي حدانا
اللي يروح يروح دون مقدار=مانتبع المقفي اليامن جفانا
حنا هل الموقف الضلعين الاحرار=والله لو نموت ماننظر ورانا
يموت قلبي وانا صامد وجبار=تراي جبار مهما القلب عانا
صحيح لك قيمة وحشمة ومقدار=لكن قلبك على الصده دعانا
ماني بمن يتبع المقفين لو طار=قلبي من ضلوعي وراحت تثانا
كرامتي غاليه والوقت لو جار=مابيع نفسي لمن قلبه نسانا
الله يساعد على تصريف الاقدار=ونفوسنا غاليه جدا علانا
ان جيت اليوم لك حشمة ومقدار=وان رحت الله يقوي من جفانا
وانا على كلمتي لو صار ماصار=حنا لو نموت ماننظر ورانا
ودمتم
اختكم
مهرة بدوي