بديت باللي يرزق البر وبلاد = باسمك يارب الأله بادي
ياالله ماغيرك كريم وعواد =انت الذي ترجاك كل العبادي
ياالله دخيلك عن بلا كل حساد= ياالله ماغيرك عليه اعتمادي
ابن جميل وقال فيه حق الاجواد =هو الذي لاقال كلمه وكادي
ماكل من قال التماثيل قصاد = ولاكل من قال التنافيل جادي
صنعت صاروخ جديد وبولاد =أريد أعلن بالقصايد جهادي
سنين المحل مثل المعارك بالجهاد= تصمد بها زقم الرجال النوادي
الله خلق جبالها لارضها ا وتاد =والشيخ دايم للعشيره سنادي
نعمين بالدوشان صاروا له سناد =ماضمنوا فرزهم بالمزادي
ونعمين بالدوشان عربين الاجداد = ماطردوا جيرانهم عن حصادي
لا جاهم اللي عاني وقال رواد =لقوله الترحيب سلم البوادي
يفداهم اللي بالمواجيب ماجاد =اللي يبيع القيم بالفسادي
ويفداهم اللي عن المواجيب رقاد =وقت الوزى من حساب الوسادي
ويفداهم اللي عن المواجيب لباد = لامن نخيته مثل عيون الربادي
دوشان مثل الملح لنحط على الزاد =علقم على كبد الشجاع المعادي
دوشان لوصارت مهازيب وعناد =زهيد على الموت الحمر بالعنادي
ولاخف قلب اللي عن الموت شراد =دوشان تثقل وزنها بالطرادي
ولاثار حس البيشلي صفق رعاد= زمل التخوت اللي تشيل الفرادي
ياصفية الدوشان يادار الاجواد =تصبر هلك على الطيب صبر المهادي
وحياة اللي له الاسلام سجاد = ماقلتها مارات ولابي مدادي
رزقي على اللي بيده الرزق ينقاد =يعلم مابالقلب داخل فوادي
الله اللي بامره الروح تنعاد = اللي جمع حوا وآدم بوادي
ابن جميل ياللي عني نشاد = اسأل ابن بقار تلقى الوكادي
ربعي البعير توقف الخيل بطراد =اهل اللحيسه بالمناخي تفادي
شيخي ابن سراي على الموت زهاد =من نجد لهم بالمراجل شدادي
الخاتمه صلوا على سيد العباد =محمد اللي بالشفاعه ينادي