مالبورو أحمر

والله يالولا تارك التتن لي وقت = إنّي لأكنّه لين يكوي فوءادي
صبري قضا وانا على الموت وايقت = واليوم ابا اكفر بالحيا والمبادي
ياهم وش بك ما بقلبي ترفّقت = رفيق عمري مار ظالم وسادي
لا مجرمً جابو لي الحبل وشنقت = و لا شفت من وقتي سلام وبرادي
سكرت لي مده من الوقت ما فقت = الا وانا في ديرة الخوف غادي
فوق السحاب برحلة الفكر حلّقت = لعلّي انظر نور الافراج بادي
اتلى الامل شعره وفيها تعلّقت = واشوف الارض اشواك طلح وكدادي
صديت عن بعض النواحي ودنّقت = وجنّبت دربً فيه كبوة جوادي
صريح مايومً للانذال نافقت = اشري زعل خطو الخسيس الربادي
ما دمت من بعض الهقاوي تحقّقت = الخوف ما به للنعامه مفادي
عبداً لهّمي مار طوّلت ما اعتقت = والعتق هو شفّي وغاية مرادي

 

 

 

 

 

 

 

 

 

 

كفو والله يــ "أبو نايـــف"

وصح لسانك مدد بلاعدد واعتلا شانك

قصيده تعبر عن الكثير والكثير مما في النفس

صوت الالم مسموع في هذه الابيات

بوح راقي وحبك وسبك وتسلسل سهل ممتنع

أسجل إعجابي بما قرأت
والله يبعدك وشباب المسلمين عن التتن
و الله يسعدك ويفرج عليك كل ضيق
وعَسَـاَك عَالـقوة و مَاَ ننـحرم مِن تَواَصلكـ مَعنَـا
اعـــّذب التحااايا لك
لاعــدمنـــــاك

 

 

 

 

 

 

 

 

 

 

صح لسانك أبونايف ملاااييين وأسأل الله أن يثبتك ويوفقك
تقبل مروري وتحيااااتي.

 

 

 

 

 

 

 

 

 

 

صح السانك اخي ابووو نااايف

قصيده طااالعه من قلب

الله يعينك واقول...

لاتحسب اللي لاضحك يوم روقت=ماتدري انه اسود امن السوادي
اصبر على ميلات الايام لاضقت= تلقا الفرج ياتيك صب البرادي

 

 

 

 

 

 

 

 

 

 

ابو نايف
اولا
صح الســــــــــــــــــانك ابداع وتألق مستمر

ثانيا
مبروك أنك تركت الدخان وهذا شيء طيب جدأ
وعلى طاري ترك الدخان فيه قصة طريفة ، فيه شمري كان عندنا في المدينة ورحل الى حايل وتوفي هناك رحمه الله كان يشرب الدخان شرب مفرط وكانوا جالسين عند احد الشيوخ وقالوا له اترك الدخان لايذبحك وكان هو عنيد جدأ والشيخ الله يرحمه كان يعرفه جيدأ ويعرف مزاجه
والشيخ الله يرحمه يدري ان الشمري عنيد وماهو مخلي الدخان واحرجوه الناس بقولهم اتركه
وشافه تضايق منهم واراد أن يفزع له :
فقال الشيخ له بس انا سمعت ان الشمري مايخلي خويه !!
والدخان خوي لك ! فرد عليه الشمري وقال انا اخو فلانه والله اني ماخليه ،،
فضحكوا الحاضرين اعجابأ من كلام الشيخ ورد الشمري :
الله يرحمهم كلهم توفوا:

تقبل تحياتي

 

 

 

 

 

 

 

 

 

 

لا ولف لا وقف اذا ما توهقت ### الا المبادي لا تروح المبادي
اعنز على مولاك لامن تضايقت### بمره ييسر لك طريق الرشادي
عبدالله ان غربت وان كان شرقت##مالك عن القسمه صحيح وكادي
سق النظر والفكر يامنك اشفقت### منها وترضى من بياض وسوادي
مانت الوحيد اللي شكا قاسي الوقت##احر ما عندك لغيرك برادي
وياخوي ياما شتقت واخذت وانفقت### ولا غير ربي هو ملاذي وزادي
ما يبري الدخان وحرقه الا حرقت### الا يخلي نارها بزديادي
ونته مجرب عشرته لين برقت ### انه رفيق مابه الا النفادي
انفض همومك عنك لانعقت لانعقت ## دنياك حلوة بس تبي اجتهادي
وتبي صبر ومعان . ويامنك انسقت ## معها غصب. ازبن كريم الايادي
واضرب على ما قاله (عبيد )ياطرقت ##ولا على ماقال (مطلق ) عمادي

فرج الله عنا جميع همومنا ووفقنا لما فيه صلاح حالنا ومجتمعنا وغير حالنا واحوال اخواننا من عسر الا يسر باذن الله
وتقبل خالص احترامي ,,,

 

 

 

 

 

 

 

 

 

 

ابونايـــف تبقى هرم وهل يعقل أن الطالب يجرؤ على الوقوف أمام معلم ليقول أوريد أن أتفقد درسك وأعيد شرحه أستاذي ابانايف صح لسانك وابيات ربما من حر انفاس صاحبه ذابت ثلوج !!! ،،، لكن الدفء هنا دائماً .. ويكفي !! ،،، ابيات صيغت بعناية خالطها لطافة وثقافه.. راقت لي كثيرا لانها من صاحب القديم الجديد دائما ،،، شكرا ابانايف على الابداع والامتاع اطال الله لنا بعمرك على طاعته وابعدعنك غضبه وتقبل خالص المعزة والتقدير

 

 

 

 

 

 

 

 

 

 

الشاعر/ أبو نايف

صح لسانك

عزالله لا حضرت حضر الشعر معك

ابدعت وامتعت

وافيه من وافي

تقبل مروري وعسى الخير فالك والسعادة منالك

دمت بخير

 

 

 

 

 

 

 

 

 

 

نبع ٌ راقي وجزالة ْ منطق وإحساس ٌ صادق بعمق المعاناه
شاعر نترقّب أحرفه بشوق لأنه خصب ورائع وجميل
دمت كما أنت بجمال حرفك وعذب قراحك
تحيّتي وكل احترامي لشخصك الموقّر
صح لسانك....ووفقك الله أينما كنت

 

 

 

 

 

 

 

 

 

 

صــــــــــــــــــــــح لسانك جـــــــــــزله ومميزه
لاهنــــــــــــــــــــت