قصيده للشاعر عطا الله باخت الهجله المطيري . وهو ينخـا الشيخ مثقـال المحيا
صبيت من مـايقـعد الـــراس فنجــال=طـاب القصـيد وطـاب بـدع المـثايل
في بــداية الرحمة وهي عشرة ليال=مــتخيـر أبيــاتي لـوافي الخصــايل
شيــــخً لعـله تعـمر أسنيــنه طــوال=أبن محيـــا مــــــن الـرجال الأوايل
لاضاقت الدنيـا تنصيت مثقــال=مثقال شيال الحمول الثقايل
من لابتـاً عند اللقا تشعل أشعـال=شمر هل الطنيه رجال الصمايل
رجالهم يسوى ثمانين رجال=وأفعـالهم تزحم كبـار الفعـايل
تفنـابه أجيـالٍ وتنعم به أجيـال=عوق الخصيم بمرهفات السلايل
أهل الكرم وأهل السخا كبار وعيال=الله خلقهم من كبار الحمايل
رجالهم ماله عن الطيب محوال=والطيب مايرضى بغيره بدايل
يامن حويت الطيب من كل الأشكال=يابو فهد يالأطمٍ كل عايل
يامعرب الأنساب ياطايلٍ طال=كامل ولله الوفا والكمايل
أنته لمن يلتاذ بك درع وظلال=وأنته من اللي يكسبون الجميال
تصخر لك القيفان تقـدير وأجلال=قيفـان مافيها حروفٍ هزايل
يالهيلع الصاطي يامحمود الأفعال= مثقال ياجزلن فعولك جزايل
من كثر ماجربت بقفاي وأقبـال=أنصا من زحول الرجال الدلايل
ياشيخ جيتك بعد ماحملنا مال=وانا زماني عاملن بي عمايل
لك مع ولاة الأمر ياشيخ مدخال=ولك وقفتن تشفي كبودٍ غلايل
دامت حياتك في نعيمٍ وتمهال=ياغيثً أخيله وغيري يخايل
وصلاة ربي عد ماهل همال=على شفيع الخلق وقت الحفايل