لا يهمّْك اطعنيني بالظهر مليون مره=ولا يهمك حزني الموجود من قبلك حزين
شقّْي قلبي واعرفي حزن العذاب اللي بعمره=وبعدها شوفي معاناتي على مر السنين
خافقي كله جمر ما عاد تفرق زود جمره=لا يهمك جمرتك ضمِّيتها لا تزعلين
سلّْي سيفك واغرسيه بجوفي اللي صار غِمْره=واضحكي ضحْكَت عتَب بين الخيانة والحنين
لا نخل فيني لقيتي وان لقيتي طاح تمره=لين مات من القهر بعيون زفرات اليقين
هذا انا سكران حزْن وما سكرت بحزْن خمره=كيف لواسكر خَمر والحزن فيني والحنين
كان ورَّثت الحزن بعيوني اللي طاعت امره=وانتهض حزن المشاعر في مواساة الأنين