قصيدة الشاعر سامي المزيريب الشمري .. في سفير وفخر قبيلة شمر الشيخ خالد بن جدعان بن اللغيصم غصت البحر لقيت لؤلؤ ومرجان
....................... ولقيت في اعماق يمي دررها
وزانت حروفي يوم فكري لها زان
.......................وقامت تلالا كالنجوم بسهرها
في مدح خالد من سلايل كحيلان
....................... زانت حروفي ثم لبست زهرها
شمر تباها فيك يانسل جدعان
....................... ياإبن لغيصم ياسندها وفخرها
رفعت رأس الشمري وين ماكان
....................... بأرضٍ سهل والا سكن في وعرها
شرفتنا في محفل اللي لهم شان
....................... بصفرٍ يزّهي لونها من نظرها
ارخيت كيس المال طيبٍ وعرفان
....................... في موقفٍ مايظهر إلا حررهـا
انا اشهد انك يافتى الجود ربحان
.......................والطايلـــــــه دايم تتبّع اثرهـــا
قصيدة الشاعر سامي المزيريب في سفير وفخر قبيلة شمر الشيخ خالد بن لغيصم
العرض العادي
