للطفل موسى الخضير

إهداء لوالد الطفل موسى الخضير الذي قتل من قبل النظام السوري والشبيحة في درعا 2/10/ 1432هـ

البارحة عيني تزايد شقاها=وإليا تقفاها الشقا جا عناها
مبطي ولاني عارف العين وشبه=عجزت منه ماوصلت لدواها
سادس شهر مر وعذابه ذبحني=تعبت والله عارف مبتلاها
المشكله لامن أفكر بعقلي=نفس البلا في صبحها وإمساها
والياتراجعت وخذيته بقلبي=زادت مشاكل ذا العيون وبلاها
تدرون شلي متعبه ياجماعه=أبعترف وأقولها إمبتداها
إليانظرت أطفال درعا تهلي=والموت لامن شفت ذبحة إنساها
وإالياإمعنت برجال حمص الحزينه=حتى الولد جدد مجازرحماها
وجسر الشغوراللي إنزحت غصب عنه=وتلبيسة الشجعان همه كساها
وإالياوصفولي من ورى خط تدمر=ذكرت ديرة يوم جيشه غزاها
حتى المصيبة تل كلخ عزتيله=وألبو كمال الصامدة مانساها
واللاذقيه دكها بالبوارج=وقصيروإدلب ماسمعتوا نداها
وغيره وغيره من مناطق كثيره=تضررت من ذا الخبيث بصباها
أطفال تقتل والعدد في تزايد=وسط الشوارع والحواري إدماها
واليوم سالت دمعتي لأجل موسى=صغير سن ولاشبع من هواها
شاله أبوه بوسط درعا ينادي=لاياعرب حتى صغيري فداها
وين العيون الصاحيه ياعربنا=ليه الظمايرماتحرك أداها
أعراض صارت تغتصب كل لحظه=وتجاهلوا صيحاتهن في ضحاها
الجيش يقتل ويتلذذ بقتله=وشبيحة الواطي توسع إخطاها
نظام قمعي يبطش بكل قوه=في شعب أعزل والمطالب وطاها
نظام شن الحرب عالشعب كله=لاكن وربي مايطول مداها
حتى المساجد ماتركها بحاله=أرواح تقتل وسطهاوإبفناها
مجرم وخاين مثل أبوه بزمانه=باع الأراضي واليهودي شراها
بياع جولان العرب حافظ الجحش=لاوالولدبشار هو من حماها
أربع عقود من الزمن حاميٍ له=أرض العرب راحت وكلن يراها
بانت وبانت ياعميل الروافض=لالاوحزب اللات ينبح معاها
لاكن ترى التاريخ مايرحم أحد=من دار ظهره راح ياخذ جزاها
من يوم ثاروبه أحفاد خالد=لازم ترد حقوق شعب بغاها
شعب طلب حريته من نظامه=شعب يبي إسقاط حاكم ولاها
زائل وتصبح في يد الشعب كله=وإعلامك الخاين هو اللي كلاها
راح الكثير ولابقى الإ قليله=قبلك ثلاثة وإنت دربك وراها
دارت دواليب الزمن غصب عنك=بانت الآعيبك وشفنا عطاها

أخوكم / راكان بن حامد الخدعان

 

 

 

 

 

 

 

 

 

 

تسلم أخوي راكان وصح لسانك وأسال الله ان يفرج هم إخواننا في سوريا ويزيل طاغيتهم
تقبل مروري وتحياتي.

 

 

 

 

 

 

 

 

 

 

أبو طارق الشمري :
صح أبدانك وكل الشكر لمرورك الكريم,,,

 

 

 

 

 

 

 

 

 

 

صح السانك واعتلا شانك

 

 

 

 

 

 

 

 

 

 

عبدالحكيم التويمي :
صح ابدانك وكل الشكر لمرورك الكريـــــــــــم’’’’’

 

 

 

 

 

 

 

 

 

 

بيض الله وجهك ..

ورفع الله قدرك في الدارين ..

إزاء هذه الشامخه ، التي واسيت بها والد الطفل / موسى الخضير ، وذويه..

ووثقت معاناة الشعب السوري من هذا النظام الظالم .. الهالك قريبا بمشيئة الله وحوله ..

وهكذا هو الشعر الحقيقي ، الذي يتفاعل مع أحداث الأمه ..

لاعدمنا وجودك .. ودوام تألقك

أخي الشاعر .. راكان الخدعان

 

 

 

 

 

 

 

 

 

 

منصور ناصر الشمري:
صح ابدانك وكل الشكر لمرورك الكريــــــــــــــــم،،،،،

 

 

 

 

 

 

 

 

 

 

ابدعت بصياغة الحرف
قرأتها و وجدتها مختلفه عن نظيراتها
اسلوبك هنا اعمق
واحساس نادر
إنتقاء حروفك وتعابيرك اذهلني
لن اقول سوى
ابدعت وبقوه
رحم الله الطفل موسى وألهم الله ذويه الصبر
على فقده وفراقه
صح لسانك ملاييين

 

 

 

 

 

 

 

 

 

 

اخوي
راكان
بيض الله وجهك بياض ع هذه الشامخه
صح لسانك
واسأل الله ان يفرج هم اخواننا في سوريا

 

 

 

 

 

 

 

 

 

 

صح الله لسانك مدد لا عدد

ابيات من نبع صافي

كتبت فأجدت لله درك

وأسال الله الكريم ام ينصر اخواننا في سوريا

ويفكهم من بطش كل ظالم

ودمت ع الف خير