قصيده مدح في قبيله عنزه وقبيله شمر

يعني على قولة هل العرف ياحسيـن ******لاخيـر فـي رجـلٍ بليـا جمـاعـه ولانـي ولـدت بـدار فكاكـة الديـن ******اهل الكرم والطيب واهـل الشجاعـه ويلان لا وردو على المـوت عجليـن ******فيهـم علـى ورد المنايـا بتـاعـه الطيبـيـن الطاهـريـن النقـيـيـن ******الخيـريـن الصادقـيـن السبـاعـه موفين حق الجـار بالطيـب والليـن ******للجار فـي قـرب النشامـا مناعـه معهم سليت ورحت بالمذهـب الزيـن ******راحت معاهم حفنـة سنيـن ساعـه ثلثيـن عمـري راح يـا وي ثلثيـن ******مايـوم جتنـي العايلـه واللكـاعـه صاروا لي الطف من غطا الجفن للعين ******وارق من حكـي الحديـث بشفاعـه تحس في قـرب الرجـال المياميـن ******انك اخو من ((دم)) ولا ((رضاعـه)) حمّاية الوضحا مـن اللـي مغيريـن ******لاوين مـن طالـت عليهـم ذراعـه واجب علي اذكـر فعـول الكريميـن ******اللي شروا كسب المراجـل بضاعـه مدامنـي وافـي واحـب الوفيـيـن ******وقناعتـي فيهـم تفـوق القنـاعـه لازم علـيّ اعـد فعـل الحشيميـن ******واترك حديـث الناكسـه والرعاعـه اترك علوم عفون الاشـوار مهفيـن ******حـق الرجـال الطاهـره بالشناعـه نقالة الحكـي الملفـق علـى ويـن ******بالهون ياهـل الواطيـه والبشاعـه ياحسيـن ماتوخـذ قبيلـه بخبلّـيـن ******مادامهـم مـا يـوم جابـو قلاعـه دحوش الرجـال مقابليـن النساويـن ******اهل الحكي والكذب واهـل الخناعـه وياحسين قالوا في حديـث القديميـن ******تحشم كـلاب القـوم رغـم الدناعـه وانـا لـك الله ماسمعـت المقفـيـن ******واللي مشا لـي بـاع دبلّـت باعـه مايرخـص الغاليـن فعـل الردييـن ******راعه بقلبـي حـب الاجـواد راعـه ياحسين جيت ونبض كـل الشراييـن ******حب عنزه باعلـى عوالـي رفاعـه ولاتحسبنـي جيـت لانـي مسيكيـن ******ولا سـلايـل دافعـيـن الرتـاعـه جيتك ولد مـن روس ربـعٍ عريبيـن ******شبـوب نـارٍ عـالـي بانـدلاعـه انـا سـلايـل لابــة بالملايـيـن ******بالضبـط امـه كاملـه باتسـاعـه شمر على عرش المراجـل سلاطيـن ******اسياد عرش الطيب من فـوق قاعـه ان جت على الفزعات نعمك ونعميـن ******وان جت على المده تموت المجاعـه ولا جت على وصل الرحـم للقريبيـن ******اقسـم قسـم مـا بالطنايـا قطاعـه الحاصل ان القلـب مابيـن عرقيـن ******متساويـات بنبضـهـن واندفـاعـه عرق النسب واسم الطنايا العزيزيـن ******وعرقٍ مع الويلان صعـب انقطاعـه وامنت في قـول الرجـال الحكيميـن ******مربى الولد يغلب على الاصل طاعـه ياحسين واللي نـزل الطـور والتيـن ******واللي هدى الانسـان فـن الزراعـه ماقلتها ياحسين واقصـد بهـا شيـن ******غير الثنـا بالطيـب مامـن طماعـه حبي لكم ياحسين اصـل المضاميـن ******ومداد حرفٍي مـع سنـاه وشعاعـه حـرف كتبتـه ورد فـل ورياحـيـن ******وياليت كـل النـاس تقـدر سماعـه وربـي لرددهـا بـكـل الميـاديـن ******ولو لي بعد قـدره نصيـت الاذاعـه لاني وفـي عشّـاق طبـع الوفييـن ******وقناعتـي فيكـم تفـوق القنـاعـه وختامها بالـورد والعطـر ياحسيـن ******مني لكـم ياهـل الوفـا يالجماعـه

 

 

 

 

 

 

 

 

 

 

الله واكبر
ما اجمل هذه الابيات الصادقه لا ادري ماذا اقول قصيدة تحمل اسم قبيلتين يعجز المدح عن وصول ميزاتها استطاع شاعر هذه الابيات ان يعبر عن مشاعره وما حوته تجاهها بكل عفوية واقتدار فلله دره من شاعر وبارك الله له في حياته وكثر الله من امثاله في مجتمعنا الطيب

 

 

 

 

 

 

 

 

 

 

الاخ الفاضل

دمعة سجين

جزيل الشكر على نقل هذه القصيدة الجزله

والف نعم في شمر وعنزة

مقر الطيب والمراجل ويستاهلون المدح والثناء

تقبل مروري

 

 

 

 

 

 

 

 

 

 

معهم سليت ورحت بالمذهـب الزيـن=راحت معاهم حفنـة سنيـن ساعـه
ثلثيـن عمـري راح يـا وي ثلثيـن=مايـوم جتنـي العايلـه واللكـاعـه
صاروا لي الطف من غطا الجفن للعين=وارق من حكـي الحديـث بشفاعـه
تحس في قـرب الرجـال المياميـن=انك اخو من ((دم)) ولا ((رضاعـه))
حمّاية الوضحا مـن اللـي مغيريـن=لاوين مـن طالـت عليهـم ذراعـه
واجب علي اذكـر فعـول الكريميـن=اللي شروا كسب المراجـل بضاعـه

صح لسااااااااااااااانك ملاااااااااااااااييييييييين يا العزووووه نـــَــعـــَـم يستاهلون عيال

وايل المدح و حنا بعد من عادتنا الوفاااااا تسلم يمينك يا بناخي

 

 

 

 

 

 

 

 

 

 

شمر على عرش المراجـل سلاطيـن
******اسياد عرش الطيب من فـوق قاعـه
ويلان لا وردو على المـوت عجليـن
******فيهـم علـى ورد المنايـا بتـاعـه

صح لسان الشاعر وبيض الله وجهه
ومليون نعم بعيال وايل ولايكفون

قبيلة شمر وقبيلة عنزه قريبين لبعض عن باقي القبايل

ونعم بباقي القبايل كله


ولاهنت يابعد حيي على النقل الرائع

 

 

 

 

 

 

 

 

 

 

صح لسان الشاعر وصح فكرك الرائع

قصيدة رائعة جدآآآ

تسلم الايادي على النقل الفاخر