وش فيك يا (حايـل) علامك حزينة ..
وش فيه جوك (يابعد حيي) غبار
من زعلك .!من كدرك يا ثمينة
و انتي عيونك غيم ودموعك امطار
أجا على شانك يجر الغبينه
وسلمى صدى صوته ونين وتذكار
جزل ..شاعر مجهول بالنسبة لي كانت أبياته إعلاه محرضة لشعوري تجاه حايل
ولو كانت حايل أكبر من شعري والشعر كله . ولكن تبقى حائل شامخة في عيوننا
ونجدد لها الولاء . ونقدم لها النفس والمال والفكر ولتبقى أخت الجبال وبنت القصيد !
حايل حلا في حال زينه وشينه=ناقف له أجلالَ و تاقف لنا أكبار
يالجزل حايل ما تسمى مدينه=هي نبض هي سمع الشلاقي والأبصار
هي هامته هي منكبه هي جبينه=ما هي تضاريسَ تردد بالأشعار
من حد جبة لين تقبل لـ, لينه=ومن الغزالة دون طيبه والأبرار
حنا لها في الملزمات و نعينه =لا شح سيله في الحميمة ومشار
حنا عرفناها من أول سنينه=ما تشتكي ضيمَ ولو ناشه أضرار
منها عرفت مرادافات الغبينه=ومنها تعلمت العزيمة والأصرار
أخت الجبل بنت القصيد وحنينه=محدَ سبر له ضلع وسهول وأغوار
حايل عظامه في العظايم متينه=عظيمةَ من عصر حاتم والأنصار
مثل الذهب يشبه رنينه رنينه=ونفس الزكى ريحه نفس شيح وبهار
بطحاه و الصبخا وطعسه وطينه=في عيوننا تشبه كريمات الأحجار
و شح الزمن ما هو. يبيح كنينه =نفس العوايد .باقية مثل الأمطار
و الله على فعل الجمايل معينه=وتبقى معاني طيبها ضمن الأسرار
و حتى هله من عامهم قاطنينه=ماكر حرارَ يرغبه جول الأحرار
شمر هل الفزعة نحاز السمينه=اللي بوقت القل لهم باع وأشبار
و تميم قو الباس والدين دينه=وحرب الرخاء تفتح من الطيبة أبيار
و بني رشيدَ للمخوي يمينه=ووايل لهم بالهوش ماضي وتذكار
و فعول حجلان المعزة مبينه=كلَ على حقه ليا ثارت النار
يبقون للديرة حصونَ حصينه=وتقرأ له الرحمن و تقول الأذكار
ومن دونه. الألسن تقاطع رطينه=وتعذر حدوده عن الضد لا غار
من قبل لا توجس خراب السفينه=أنعدل ميول النوازل و الأشرار
ولا تنشد الديرة علامك حزينه=ولا تلفتك يالجزل نشرات الأخبار
شموخها يمنع تهل دمع عينه=لا تنتظرها يا فتى نسل الأخيار
وش فيك يا حايل علامك حزينه !
العرض العادي
