اقتباس:
المشاركة الأصلية كتبت بواسطة سعيدالعمودي
الايام تتسارع والاحلام وضعه زفت=ولافيه داعي نسرج حصان طرْواده
نقول انفتحنا لكن الواقعه وش شفت=مقاطع لابن زيدون في حب ولاّده
وانا لو بدالي نايف العلم يمه نفت=ابرفع طموحي واكسر الذل وشداده
اقول الصراحه موجعه واضحه ماخفت=كلامي وبلغ به هلا الزيف واسياده
سبرت الطريق وشفت بالعين لكن عفت=فساد الذمم حدد مع ابليس ميعاده
نردد نقول ابليس ملعون لكن طفت =شريكك سمح لك واعلن الفسق ببلاده
كتبنا على وضحا النقاللغشيم اجحفت=وقلبت النوايا الصادقه قيد وقلاده
عشقنا ثقافتنا وهمّنا ولا ثقّفت =تنازلت عن نهج القدا قبل تقتاده
تطور بعكس احلامنا وانت ماعرّفت=وش الجهل غير انك تجاهلت وزياده
توقفت عند اصرار الاحرار ماوقــّفت=قبل تقصي اللي يعطي الصدق لاحفاده
على الصدق نمضي وصـّفوهم كما وصّفت=مرادي واقوله لكن الشك بمراده
تكلفت ياصوت المهانه ولاكلّفت =وانا الحق في ظلماتهم يقدح زناده
نبي خط واضح نرسمه وانت لوكففت=دموع الخطايا صرت موته وميلاده
نقوله على سمع الملا ياولد خرّفت =مسيرك تعثر واحذر النار وقاده
حلفت بضياع البوصله وانت ماحلّفت=واشوف السوالف تطرب ابليس واولاده
واذا مرت ايامك سريعه ولا انصفت=تبي تاخذ العبره مـن حصـان طـرْواده
|
الشاعر المتألق ســعــيـّـدالعمودي الحمدلله على سلامتك وصح لســانك مدد وبيض الله وجهك بدووون عـدد.
استمتعت بقراءة هذه الشامخة فلله درك من مبدع واسمح لي بنسخها والإحتفاظ بها
تقبل مروري وتحياتي وتم التقييــــــم.