قصيدة تهاليل للشاعر الكبير عويد الكركشي(القرقشي)

في عام 1942م نفت سلطات الاحتلال الفرنسي في سورية الشيخ دهام الهادي الجربا الى عكا في فلسطين (في معسكر ترحيل الاسرى) ومن ثم الى جزيرة قمران في البحر الاحمر قرب ساحل اليمن فقال الشاعر عويد الكركشي هذة القصيدة ينخى فيها الشيخ صفوك العجيل الياور بالمطالبة بأطلاق سراح الشيخ دهام وفعلاً طلب الشيخ صفوك من الامير عبد الاله الوصي على العرش بالعراق ان يفاتح الفرنسيين بهذا الموضوع وفعل اكراماً للشيخ صفوك واطلق سراح الشيخ دهام بعد عده اسابيع فالقصيدة تقول..

بديت باللي عابدينه ولاشيف=الله يالترجاك كل الاطاريف
ابو العمى والفقارا المضاعيف=بديت بامر الله على العين والراس*
بديت باللي من السما دفق السيل=يالله ياعازل نهارك من الليل
يارب ياسواق سحب وهماليل=كم مزنتن يطرب لها كل غراس*
بديت باللي عابدينه يصلون=يا مفرزن مابين عاقل ومجنون
صوم وصلاةٍ ينحرونه يحجون=عانين فوق مصَعب الهجن كناس*
بديت باللي عابدينه عباده=يا الله ياموصل غريبن بلاده
ومشوفه عقب المغيبة اولاده=وزجوا زغاريد الفرح عقب الأياس*
يا الله ياللي دخيلك مايضامي=يارب يامحيي رميم العظامي
متمعنن بارزاقها ماينامي=هو الكريم وخالقٍ كل الاجناس*
ياالله يارزاق ياوالي الارزاق=جل جلالك سايقن كل براق
هو الكريم وبأمره المزن تنساق=يجلونة بأمر الأله حراس*
يا الله يالبيدك الناس كله=يارب ياللي كل عسيرة تفله
انت الكريم وتنظرك كل مله=يمعيش كل القبائل والأوناس*
يارب يامدير الهبايب والاغيام=ياعازل الكفار عن دين الاسلام
يافاك المظلوم من يدين ظلام=هو الكريم وكاتفه بأمره الناس*
يا الله يالفوق ناسك رقيبه=حيثك تدل المخطيه من المصيبه
من غر منك كاسبن كل خيبه=يارب يارفاع ناسٍ على ناس*
ياالله ياللي طالبك مايخابي=يامفرجٍ مابين حسنى وثوابي
بديت بحلم الليل جاني منابي=الحمزه ..أما ..علي.. اوعباس*
صَحاب صج مسيسين النباية=قالوا تبَشر يايديب الطنايا
بالشيخ معطي مكرمات السبايا=ذيبٍ فروس وضاريٍ كل مفراس*
قال اليديب وفصح الهرج تفصيح=كلام يظهر للوجيه المفاليح
من فيض عجزوا يقطعونه سوابيح=مثل البحور مهيبة كل غطاس*
عليَت ياللي للطنايا فجيدة=ياشبه حرٍ طالع العصر صيدة
حرٍ عديم ويصفق الصيد بيدة=فرخ الهيالع معجبن كل قناص*
من قضب دربه ضنتي مايجيبه=بجاه رب البيت ربه يجيبه
ياما سقم مر الحناضل حريبه=زيزوم غلبا كاسبن كل نوماس*
ركبت باللي يرهم الجيل فيها=من فوق دكسا طافحاتن يديها
زعزاع من زود السكر معتليها=سوهاج زوع طلعت الشمس وانداس*
دورت..هيت..وكربلا..والرمادي ...=... والبصرة..وباريس..وأليا بغدادي
قالوا ماشفنا خلفت الشيب هادي=الحر حر وخلف الحر جرناس*
من عند..لندن طلعت الشمس مديت=دورت من..لبنان..للكوت..وكويت
وغزة. .وحيفا. .يم. .يافا. .تعديت ...=...بأرض..الجزاير..يم ساس قفى ساس*
أيمامهم قالوا الاجانب لفونا=وقالولي منهو شيخكم علمونا
قلت ..صفوك ..ابو فرحان ..التاصفونه=يعاد انه مثل البحر ماله قياس*
..صفوك.. ابوفرحان.. كساب الامداح=الله يعطيه من السعد كل مصباح
غضريس ياللايوث ياكبش الانطاح=لوكن يبضع مشة العقل بضراس*
قالوا شجابك من ديارن بعيدي=قالوا شتدور قلت دوار حيدي
قالوا وصوفه؟ قلت ضد الضديدي=ياماصفق بمصافق الخيل فراس*
قالولي ونعمين والثلاث تنعام=من صفوك ابو فرحان والثاني دهام
عزن لكم ياشمر وكت الازحام=الشمري مايلمسه كل لماس*
لكن توكع ننحر الجزرتينه=خمسة عشر فوق المراكب مشينه
جا المبشر يوم قالوا لقينه=علمن على قلبي جلا كل هوجاس*
بلاد..عكا..لا ذراله عوافي=بجاه الكريم اللي على الناس ضافي
دعى عليهم ربهم بالتلافي=يوميته تسعين الف من الانفاس*
قطيعتن من الرب الاله تقفاه=بجاه الذي خلاق سبع السماواه
ساحج وماحج ديرة الكفر يمحاه=تدرج عليها الحنظله مابها اوناس
واعزتي له ضاربن كل ميهاف=يالليث ياللي للمصاعيب عساف
اركه على كبد العدى سبعة ارضاف=طير الحباري اشكر الريش جرناس*
انجيت ..اخو شاهة..قل صبحت بالخير=يكفيك شر ملولحات العواثير
كيف انت ياذيب الجموع الطوابير=ياما صفق من العدو كل مدباس*
قال الحمد للبيده الرزق ياتي=يامفرق مابين صوم وصلاتي
اسئلك عن شمر صباح ومساتي=قلبي عليهم دب الايام بعماس*
اسئلك عن.. حمود ..وشلون حاله=عزي لقلبٍ مفختينه عياله
قلبي عليهم يشطننه حباله=وجدي عليه كل ماهب نسناس*
أن جيت ابو فرحان عد المثوبة=نارن على قلبي تزاود عبوبة
قله ولد عمك تراهم غدوبه=حمر العتاري مخلف الدين خساس*
قله ولد عمك من الضيم ينخاك=غضريس ياللايوث ياسبع الادراك
غشن على كبد العدو يوم ياتاك=تدوس دواس الردى قبل تنداس*
صفوك هديب الشام نقال ماجاه=شبه حرٍ تصفق الصيد يمناه
مثل القمر كل المخاليج ترجاه=زيزوم زينين المحازم هل الباس*
نخيت انا الجربان ضد الضديدي=شوخ شمر كاسبين الحميدي
وين الطنايا وين فتخان الايدي=سودة عليكم وين قطاعت الراس*
نخيت انا الجربان ضد ابو هادي=عيان وين مصقلين الهنادي
سودة على شمر غشاكم سوادي=هذا زمانن مابقى مر واعطاس*
سودة عليكم كان ماجبتوا دهام=حميدكم غير اتركه دب الايام
والله الصعب مايحتوي غيرنهام=هذي المراجل عطستن تتبع الراس

 

 

 

 

 

 

 

 

 

 

الله يرحمك يالقرقشي ,, ماأجمل قصيدتك وحميتك الشمرية
وعشرات الآلاف نعم بالشيخ العربي الأصيل / دهام الهادي الجرباء والشيخ / صفوق العقيل الياور الجرباء

الشكر لك ياراعي الحرشاء على ايرادك لنا هذه المعلقة قوية السبك عظيمة المعنى
تحياتي وتقديري

 

 

 

 

 

 

 

 

 

 

العفو يالعارف الله محييك ياخوك شرفتنا بمرورك

 

 

 

 

 

 

 

 

 

 

الاخ راع الحرشا الف شكر على هذه الابيات الرائعه التي تدل عن مايحمله شاعرنا الكبير من

شيمه ونخوه عويد القرقشي رحمه الله

 

 

 

 

 

 

 

 

 

 

الف شكر على هذه القصيده الرائعه للشاعرنا الكبير
عويد القرقشي رحمه الله
دمت بخير