الشيخ/فارس بن محمد بن طواله,,رحمه الله تعالى

منقول من ديوان الشاعر/ميزر بن طواله

الشيخ/فارس بن محمد بن طواله..شيخ شمل قبيلة الاسلم من شمر رحمه الله



(مـــ د ــ خل)

فارس بميقافه ونادر خصاله=ماله شبيه بشوف غيري وشوفي
وان عدوا الشيخان(فارس)الحاله=الليث اخو شيمه عديم الوصوفي
شيخ الشيوخ..وتاج روس الطواله=ان هاب بطش الجالسين الوقوفي
يفداه منهو شيخته في رياله=ماجت بعد اجدود..جـت بالالوفي
وان طمعوا ابشوت الشيوخ الحثاله=قلنا نموت ولا تشيخ الضعوفي

رحم الله ابو مروي في رحمته الواسعه وموتانا وموتى المسلمين وهو فقيده ليس لقبيلة شمر فقط وانما لكل من عرف
هذا الاسد والدليل رثوه الشعراء من مختلف القبائل.
والحقيقه افتخر اني من اوائل الشعراء اللذين رثوه ونزلت قصيدتي بالمجله بعد وفاته بايام قليله وبعدها امتلآت الصحف
والمجلات بقصائد الرثاء من شعراء شمر ومن مختلف القبائل والحقيقه انا اخذ مني المجله التي فيها قصيدتي شخص وضاعت مني
ولكن وجدتها ولله الحمد عند ابنه الشيخ/ تركي بن فارس بن طواله حيث يحتفظ بكل القصائد التي قيلت في والده
واخذت صوره منها لكي اوثقها هنا بعد كم سنه من وفاته ومهما قالوا الشعراء لن يوفون ابو مروي حقه
فهو من الشيوخ الذين يشهد لهم التاريخ وخلد لهم اسمائهم ومواقفهم في صفحات المجد

اليكم قصيدتي المتواضعه حيث كنت في بداياتي وعليمي واول قصيدة رثاء لي هي هذه القصيده حيث تأثرت مثل غيري بوفاته وكتبت حبا ووفاءً لتلك الشخصيه النادره

أسودت الدنيا ونور الفضاء غاب=وحل الظلام بليل موحش جبينه
والارض دارت والقدم زل مرتاب=وأنشلت أفكار العقول الرزينه
قلت:الخبر؟ قالوا: حزن والفرح شاب=(فارس) خذاه الموت واقفت سنينه
ادعوا له الرحمه تحت رب الارباب= وكلٍ على بلواه ربـه يعينه
سمعتهم واغضيت والقلب منصاب=وتفجرت عبرات عينٍ حزينه
أبكي على شيخٍ للامجاد كساب= شيخٍ وفعل الطيب عادة يمينه
حرٍ ولـد حرٍ رقا راس مرقاب= بالفعل مامـثـلـه ولا احـدٍ وزينه
هذاك ما مثله يحـسَب له احساب=لو هو بـعـيـد مقدّر وهايبينه
ابكي ويبكونه معي عصم الاشناب=كلٍ على شانه رخص دمع عينه
مرحوم يا فكاك عسرات الانشاب=ريف الضعيف وعز منهو عوينه
نسل الحرار اللي يفكون الارقاب=شيخٍ ولد شيخٍ علومه سمينه
ندعيله الرحمن يفتح له ابواب=جنات عدنٍ ماتوصف بزينه
ندعيك الا يالله ياخير وهاب= تغفر لعبدك دام الاسلام دينه
تغفر ذنوبه والخطايا والاسباب=وعليه في قبره تحل السكينه
وكلٍ يموت اليا قضى العمر بكتاب=والموت حق وكلنا مقتفينه
لاشك لاوقف على روس الاهداب=طيفه وشفته بالعيون الحزينه
قلت آه غاب النور دام القمر غاب= ولكل(شـمـر) مـوت فارس غبينه

 

 

 

 

 

 

 

 

 

 

والنعم منه ومنك

ربي يرحمه

يعطيك العافيه

احترامي

 

 

 

 

 

 

 

 

 

 

الله يرحمه برحمته ويجزاك خير

اخي الشاعر المميز

الشيخ فارس من الشيوخ اللي يرفعون الراس الله يغفر ذنوبه ويرحمه برحمته

ولاهي غريبه على ذاك الشيخ الشامخ فهو من سلالة اخو صلفه خيال شمر

في وقت العناد من الخصوم ..

يوم انها ضاقت على سالم الزير///لعيون شمّر زايد الغيض أزآله
أقبل ووصلت للجميع التباشير///والنصر بيّن للنشاما هلاله


من يجهل فزعات ضاري وعدوان لشمر فهم تاج فخر لكل شمري على سطح الارض

أخي كاتب الموضوع:تمنيت انّك كتبت اسمك كامل لكي نتعرّف عليك اخي الكريم

 

 

 

 

 

 

 

 

 

 

حياك الله اخونا الكريم

وصح لسانك ملياااار وتكرار

على هذه الشامخه

والعشر تنعام في اخو صلفه

عز الله انهم مبع الطيب والشيمه الشمريه

دمت ودام عزك

 

 

 

 

 

 

 

 

 

 

رحم الله الشيخ/ فارس بن طواله

وصح لسان الشاعر/ ميزر بن طواله على المرثيه

والله يرحم موتانا وموتى المسلمين