قصيدة ترحيبيه بالضيوف بحفل خالي/حمود نايل بن طوعان السويدي الشمري المقام في حائل بتاريخ 2/12/1433هـ
أمل ان تحوز على استحسانكم
بأسم شيخ العفو كساب الجمايل=حمود نايل خالي الحر السويدي
منقذ النفسين لعيـون(ن) تخايل=والطلب من عند خلاق العبيدي
مايكفّي موقفه كتب ومثايل=صايب الهقوات والراي السديدي
ابن عوداً يوم ظيم الوقت مايل=القبايل في كرم نايل تشيدي
ولابته ضد العداء وان عال عايل=عيال صقراً عزوته خطلان الأيدي
ياخذو بيمانهم شقر السلايل=ومصنع البلجيك تصدير العقيدي
ذودهم يرعى قفر نفد وخمايل=يربّع الضمران ويقيض العويدي
بالطرف يختار عساف النزايل=قالها عدوان والشاعر رشيدي
ومهما قلت ومهما قلت من الجلايل=الخوال عزاز يالشرح المفيدي
وكلّفن وأخترت هامات الجزايل=والصحيـــــح يعد بالعلم الزنيدي
ياهـــلا بأسمه وبأسم عيال نايل=بكل عاني من قريب ومن بعيدي
مرحباً بـ هل الصخى وأهــل النفايل=جيـيــّت الغاليـــن لأفراحـــــه تزيدي
جمعكم مبروك ياكرام السبايل=مشاهــــد الأبطال كنّه يوم عيدي
أعتزاز أحضوركــم صدقٍ صمايل=مرحباً ياهل النقاء وارجع واعيدي
أسعد اللحظات وابركها فضـايل=شوفكــــم والله على قولي شهيدي
وفي وجود الشيخ محمود الخصايل=تفتخر به شمّــراً قبــــل القصيدي
مهدّي الصعبات نطّاح الثقايل=حايز الطولات كساب الحميدي
برغش النوماس ياطيّـــب الفعايل=وعند رجال الطيب له قدراً مجيدي
بذروة السنام ما غيره بدايل=جده اللي بان بالوقت الشديدي
يوم بآنت بالسماء نجوم القوايل=ويبست الارياق من يبس الوريدي
صوب ضاري كلّفو رسل ورسايل=أنتخوبه والبطل ضاري عنيدي
وسار من زود السطر من شرق صايل=ومن دخل بصفوفهم لآن الحديدي
وبرغش للأمجاد في يمنآه طايل=للقبيله باذلن جهداً جهيدي
شامــخٍ مشهـور بأثــبــات ودلايل=ومع ابن طوعان له موقف فريدي
مشهداً حضّروه وافين القبايل=أجّزل التّكريم ما يخفاء الأكيدي
بالحفر واصداه روس جبال حايل=الطوالي يملك العلياء رصيدي
والسلام أزكا من ازهار المسايل=من السيافا لآبتي دون تعديدي
سربةٍ لآجهّزو قحص الأصايل=لجل شمّر مايهابون الضديدي