هوا بدوي

	ادله مادامك عايشٍ وادع للميت=وصلي الفرايض والمقدر منيه وليا اجتهدت الله مقَدِيك واقْدِيت=كفاك سو العاقبه والبليه شموخ راسك يخذله قول ياليت=مادمت تقدر والعزيمه قويه للعفش طرِبل هنقلٍ فوق وانيت =والجيب خله للنشاما مطيّه والاشقر القرناس جنبك على السيت=مثل الغلام اللي على ايمن خويه افجح هزع منكب تقل من هل البيت=سادة قريش وعنبر الهاشميه وليا نزلت بخايعٍ قفر وامسيت=بَد الدلال ونفل الشاذليه شب الغضى واحمس مزاج الشفاليت=بريةٍ تجلب لنا مقدريه حماسها تقل يسوق الختاخيت=ونوبٍ على اتالاهن يرد اوليه حيران شعلٍ له تمايل ملافيت=صف السرايا اللي تصافق أحّذِيه خولانين بش العرق كنه الزيت=وكمل شعال الحمسة الشمريه كبه بمبرادٍ من الجِد له ليت=تشدي لحمر الكهرمان النقيه دقه بجوف مكوسره بالسباريت=طنيب ذيب بالفجوج الخليه بغداديٍ يمناه في كف سمْيِّت=-هواوي البيداء كعام اشوسيه دقه ثلاثٍ عقب طارين تصويت=صفين حفل وشالوه سامريه وفيت بهّر يااطلق حجاج لااهفِيت=هدى السريب وجاك فوحه سويه صبه بلجٍ حومرو طارهن صيت=مثل مضاحك ملّعجات الثنيه ولامن قدعت من الخلاص وتقهويت=زال الخوى عنّك زوال الغشيه عقب الفجر لابيّح الشوف مديت=وفرعت بالقرناس بارضٍ عذيه وليانتل سبقه على طول هدْيت=مايجهل الصقار عادة ركيه ومن الولع في ساقته ماتداريت=كن ابيض الفكس ار جلد برديه يردم سما لحاق شردٍ عفاريت=اقفت دواغرها مكاشح ضويه لحّقك زمل يومك شعرت انك ابطيت=عينك سما والارض ماهي سويه وحول تثوع محجلاته وهدَيت=وضربت بسامك على مقدميه وطبقت له تنده تهاديه وهِديت=مسطور قومٍ في مصارع عبيه كخ العدم بفمه تقل كخ كبريت=متقحمٍ مخالبه شوشليه والطير فعله نومسك واسفهليت=وهدن وصادن الطيور البقيه بمجارساتٍ ماعفلها كواشيت=ماكنها الا بالشبوك محميه ولاخذت لك عشرين يوم وتشفّيت=راحت طرايف والضماير نقيه ورجعت للديره عقب ماتمشيت=صدرك من هموم البلاد معفيه يالله ياللي تحيي النفس وتميت=منهو سواك مكرم المهمهيه هديك وغفرانك ورزقك وتثبيت=ياجاعل الحسنات ممحات سيه يارب سترك عن شمات الشماميت=جلابة النمه بسوق الاذيه صلاة ربي عد ماحصى ولا احصيت=عليك يالهادي محمد واليه

 

 

 

 

 

 

 

 

 

 

ادلــه مـادامـك عـايـشٍ وادع للمـيـت
وصـلـي الـفـرايـض والـمـقـدر مـنـيـه
ولـيـا اجتـهـدت الله مـقَـدِيـك واقْـدِيــت
كــفـــاك ســـــو الـعـاقـبــه والـبـلـيــه
شـمـوخ راســك يخـذلـه قــول يالـيـت
مــادمــت تــقــدر والـعـزيـمـه قــويــه

بارك الله فيك ...
ثلاثة ابيات في الصميم
ومطلع يوجز فكرة القصيدة الجزلة

ولـيـا نـزلـت بخـايـعٍ قـفــر وامـسـيـت
بَـــــد الــــــدلال ونـــفـــل الـشـاذلــيــه
شب الغضى واحمس مزاج الشفاليت
بـــريـــةٍ تــجــلــب لـــنـــا مــقــدريـــه
حمـاسـهـا تـقــل يـســوق الختـاخـيـت
ونــوبٍ عـلـى اتـالاهـن يـــرد اولـيــه
حـيـران شـعـلٍ لـــه تـمـايـل مـلافـيـت
صـف السرايـا اللـي تصـافـق أحّـذِيـه
خولانـيـن بــش الـعـرق كـنـه الـزيـت
وكـمـل شـعــال الحـمـسـة الشـمـريـه
كـبـه بمـبـرادٍ مـــن الـجِــد لـــه لـيــتت
ـشــدي لـحـمـر الكـهـرمـان الـنـقـيـه
دقــه بـجـوف مـكـوسـره بالسـبـاريـت
طـنـيــب ذيــــب بـالـفـجــوج الـخـلـيــه

بالمناسبة كنت ضاق الصدر من بعض الهموم التي اعيشها في حياتي ...
وكل انسان لديه هموم وقررت التوجه الى قسم القصيد في هذا المنتدى
ابحث عن شيء يوسع الصدر ولقيت هالجزلة
وسبحان الله بعض القصائد الرائعه والجميلة كما يقال تقلب الحال فوق حدر

الله يوسع خاطرك يا شاعرنا الكبير
تقبل مروري

 

 

 

 

 

 

 

 

 

 

متعب الطواله
صح لسانك ملايين واعتلى شانك
على هالجزله ولاهي غريبه عليك

 

 

 

 

 

 

 

 

 

 

صح لسسانك ياخو صلفه

قصيده شامخه جزله وفيه

كما عودتنا دائما ً بجزالتك التي تجبرنا على متابعة متصفحك أولا ً بأول

 

 

 

 

 

 

 

 

 

 

صح لسانك

واعتلى شانك

رؤؤؤؤؤؤؤؤؤؤؤعه

يعطيك العافيه

 

 

 

 

 

 

 

 

 

 

صح لسانك ع الابيات الجميله تقبل مروري اختــك / مـــــــــــي العتيبــــِـي