هات الجواز ودوك رقم البطاقه=نويت اسافر نار قلبي كلتني
عطني جوازي خل عندك لباقه=النار تاكل في شواي وشوتني
ماعرف احد مافيه ربع ورفاقه=انا اليالي بالمشاكل بلتني
بيني وبين الهم صارت علاقه=انا همومي للمشاكل دعتني
اعرف نفسي مابنفسي طفاقه=بس المصايب للبلا وصلتني
خذيت فهمي من دماغي طلاقه=دام ان راسي بين متني ومتني
ادخل على الله مانحب الاعاقه=اختم وخل الجو للي رمتني
يالعنبو حظ الندم والرشاقه=الله يرحم والدك كلمتني
يابن الشجاع ارجوك ماهي حماقه=تسمع وشفت إشلون يوم انهمتني
شف كيف بيدي لون من كل باقه=ليمت له ذا الورد يوم احرقتني
افزع ياولد الناس يومٍ ن راقه=ياويل حالي بالحلا زلزلتني
الجنز موت الجنز من فوق ساقه=مافيه رحمه في جماله ولتني
الصبر راح وراح خارج نطاقه=اطلق سراح الطير ترها خذتني
فيك العشم والخير فيك الرفاقه=وشلون شفها كيف هي حلحلتني
المتزن صار بحياته طفاقه=ياهيه قله ليه يوم اسفهتني
جتني بحلمي والمواضيع لاقه=وسويتها بابيات شعر ونستني
والا الصحيح القلب ماله علاقه=واكيد تعرف بين حتنك وحتني
غنام الهمزاني=