هو غني عن التعريف ، ومثله أقولها بكل صراحة:
مؤتمن على تاريخ شمر وهو من القلة القليلة الذين بذلوا الغالي والنفيس لتنقية تاريخ القبيلة من التشويه والتغيير.
:
كان لي الشرف بهذه المساجلة معه
:
قلت
:
يا شخاليل عقده .. يا مُوارِد سماح=يا الشنان الفريده .. يا النفود الفسيح
يا شموع الليالي .. يا شروق الصباح=يا خرير الْدمُوع...ويا بقايا جريح
يا صُرُوح الأماني .. يا عذاب الكِفاح=يا حنين المواجِعْ .. ما بها مستريح
يا عيون القوافي .. يا الحروف المِلاح=يا جروح المحبَّه .. يا نزيف الكسيح
يا صدوق الموَدّه .. يا نِفاق المِزاح=يا ضبيح الذيابه .. يا صدآه الضبيح
يا بروقٍ لفتني .. يا المزون الشِّحاح=يا رعود المحاني .. يا الضمير النصيح
يا بداية هْمومي .. أرتجيك السِماح=يا نهاية عْزومي .. مِنْك انا بااستميح
يا عظيم المبادي .. يا الزّلال القراح=يا سمو القصيده .. يا جناب الفليح
يا طبيب الروايه .. يا حكيم الجِراح=يا شموخ الطنايا .. يا (نهار الصريح)
يا نهار اشتكي لك .. من طعون الرِماح=أشتكي لك وْكِلِّي .. من عَنَآيَهْ طريح
من هنوفٍ وراها .. خافقي مااستراح=وبْغِيابه عيوني .. دوم دمعه نضيح
في غيابه سقوط .. وفي حضوره نجاح=في لقاها سراب .. وفي بُعاده صحيح
داهم القلب حُبَّه .. باعْنَف الإجتياح=لين صرت الضحيَّه .. من هواها ذبيح
:
رد الشاعر الفاضل والراوي القدير نهار الشمري
:
يا هماليل مزنٍ ما تسوقه رياح=يالعنيف الشديد ويا البسيط السميح
يا شعورٍ براس عبيد وقت الصياح=ويا حكيم حليم ويا اللسان الفصيح
وانت يا كف حاتم بالسنين الشحاح=وانت يا شط دجله يوم شح الشحيح
يا محيط عميقٍ ما مياهه ضحاح=يلتطم قو موجه ضاغطه قو ريح
هرجكم له صداه بنفسنا وارتياح=يا زعيم القوافي يا زبون المديح
افتخر في قصيدك فوق صدري وشاح=يا فهد طال عمرك جعل وقتك مريح
وكان قصدك هنوفٍ سببت لك جراح=نبذل الجهد نعلن للطواري تصيح
كل غالي على شانك رخيص ومتاح=لين يرضى وليه ثم عنها يبيح
ثم عند المحاكم لاجل عقد النكاح=عند قاضي شريعه مثل قاضي شريح
ثم في صالة الأفراح حتى وقت الصباح=لين همك يروح وعن ضميرك يزيح
:
وسلامتكم
.gif){kind=icon}
الصريح الشيخ نهار بن هيشان الوبير
رد: الصريح الشيخ نهار بن هيشان الوبير
العرض العادي
