الرزق عند الله مقدّر و مقسوم ..

السلام عليكم ورحمه الله وبركاته

هذي مشاركة بسيطة وهي ابيات قديمة كتبتها بعد مشاهدتي لصورة شخص معوق مبتور الساق يكدح لجمع رزقة بيده , عسى أن تناسب مقام هذا الموقع الشامخ وأن تنال اعجابكم جميعا ..

أقول :


الرزق عند الله مقدّر و مقسوم
مهما بذلنا للمقادير طاقه

كم من عليل(ن) حقق أهدافه ب يوم
وكم من صحيح(ن) وامنياته اشفاقه

وكم من كفيف(ن) حاقرينه ومذموم
واذا هرج هرجه بعلم ولباقه

وكم من بصير(ن) تحسبه عالم القوم
والصدق: ناجح في علوم اللواقه !


ويا كم معاشيق(ن) على افراق وهموم ؟
وكم من يتيم ولا يعاني فراقه !!

والفقر ماهو عيب لاشك محشوم
العيب من همه في بنك وبطاقه

لولا المظاهر و( البرستيج) وهدوم
يمكن تشاهد ب المطانيخ فاقه !

احذر تثق بالناس في دايم الدوم
(الشوك) بالورده ولو هي في باقه !

ولا تحكم بميزان ( أدري ، ومفهوم )
وإعرف ، جديد العلم يصعب لحاقه

مثل المعوّق لو بذل جهده اليوم
مايمنعه من كسب رزقه ( إعاقة )

ذا شايب(ن) يكدح من الساق محروم
( رزقه ماهو ملزوم في عظم ساقه )


اذا قسى وقتك فلا تحاول تلوم
رزقك يدلك ،، بس صبر و رواقه


أخوكم ( عبدالعزيز بن عبداللطيف الحميدي)



(بصوتي )يوتيوب
http://youtu.be/qeIoeurqhfg

 

 

 

 

 

 

 

 

 

 

عبدالعزيز الحميدي

احسنت احسنت اخي الكريم قصيده جدا رائعه وهادفه

صح السانك الــــــــــــــف على هذه الشامخه

ماشاء الله تبارك الله جزل يالحميدي

وخمس نجوووم تستاهل

لاعدمتك

 

 

 

 

 

 

 

 

 

 

صح لسانك

قصيدة معبره وواقعيه

دمت متألقا اخي ابو عبد اللطيف

 

 

 

 

 

 

 

 

 

 

المشاركة الأصلية كتبت بواسطة السكبه

عبدالعزيز الحميدي

احسنت احسنت اخي الكريم قصيده جدا رائعه وهادفه

صح السانك الــــــــــــــف على هذه الشامخه

ماشاء الله تبارك الله جزل يالحميدي

وخمس نجوووم تستاهل

لاعدمتك

صح بدنك وجعلك سالم

هذا من ذوقك يالغالي , وثنائك أعطاها جمالا آخر

شاكر لك يالامير

 

 

 

 

 

 

 

 

 

 

المشاركة الأصلية كتبت بواسطة ابو ناصر المحرج

صح لسانك

قصيدة معبره وواقعيه

دمت متألقا اخي ابو عبد اللطيف

صح بدنك يابوناصر

والثناء منكم شهادة فخر

حياك ربي يالغالي

 

 

 

 

 

 

 

 

 

 

احذر تثق بالناس في دايم الدوم
(الشوك) بالورده ولو هي في باقه !

ولا تحكم بميزان ( أدري ، ومفهوم )
وإعرف ، جديد العلم يصعب لحاقه

صح لسآنك ع ه الرااااااائعة ,
وسلمت أخي عبدالعزيز ع الطرح الجزل ,
لآهنت :)

خمس نجوم ..~

 

 

 

 

 

 

 

 

 

 

صح بدنننك يالوريف

والجزل مرورك وثنائك العطر

شاكر لك

 

 

 

 

 

 

 

 

 

 

احذر تثق بالناس في دايم الدوم
(الشوك) بالورده ولو هي في باقه !


صحت معانيك ..

 

 

 

 

 

 

 

 

 

 

صح لسسانك ..ويسسلم منطوقك أبيات رائعةة ومنظوم راقي
أبدعت والله يعطيك العافية على هالطرح


تحياتي لسسموك

√

 

 

 

 

 

 

 

 

 

 

المشاركة الأصلية كتبت بواسطة سنين السراب

احذر تثق بالناس في دايم الدوم
(الشوك) بالورده ولو هي في باقه !


صحت معانيك ..

صح بدنك سنين السراب

وحياك الله