تكفون ياربعي ابي لي سويعات = خلوني اكتب كل ماجاء ببالي
في وصف من هو فاق كل الجميلات = ريقه كما نبع العذيب الزلالي
يلبس طبيعي مايعرف الزيادات = وإلى مشي فيه الغنج والدلالي
سبحان من صوٌره رب السماوات = شعره حريرٍ فاخر السعر غالي
سواد عينه كبر نصف الريالات = وبياض عينه كبر حجم الريالي
هذا الحور جمٌل عيون البنيات = جرير قاله من سنينٍ خوالي
بيني وبينه لو بحسٌب مسافات = كنٌه معي جالس وكنٌه قبالي
ماغاب عن بالي دقايق ولحظات = الله يجمعني معه باالحلالي
لامن ذكرت ايام راحت وساعات = تمضي علينا ما نحسب الليالي
صوٌت من اقصى المعاليق بأصوات = وطلبت من هو عالمٍ ما جرى لي
ربٍ كريمٍ عالمٍ باالخفيات = يجلي همومٍ خافيات بحالي
ادعوه دعوه تنزف القلب عبرات = يرد لي من ضاع من هو غدى لي
وصلو على محمد ختيم الرسالات = تعداد مايجلي الصباح الزوالي
( ابو ناصر المحرج )
...( هذا الحور جمٌل عيون البنيات )... (42)
وش هالزين وش هالوصف الرائع يارائع انت وهذه القصيده
ماشاء الله
العرض العادي
