امرك يتم / بقلمي
شفنا الأوامر تشرح الصدر والبال=امر بها سلمان من دون تأجيل
ياسيدي حييت ياطيب الفال=امرك وصلنا في عموم التفاصيل
امرك يتم وتوَّجه صدق الافعال=لانك سلمان المجد بالفعل حلحيل
الشعب في ذمتك في كل الاحوال=وانت الأمل اليوم وكل المقابيل
حي الثقه منحتها لشبل الاشبال=منحتها ياسيدي لماجد الحقيل
اسمح لنا نحييه ونشرح له احوال=وعبر الاعلام نفصل العلم تفصيل
وزيرنا ياطيب العم والخال=ياما عانينا بالسكن من بهاذيل
ويا ما انتظرنا للسكن والعناء طال=تكدَّست اسماءنا دون تحصيل
رحنا طعم ايجار في دفع الاموال=ماعاد يبقى عندنا من محاصيل
عليك بعد الله ياماجد آمال=البرق ناض وباقين ننتظر سيل
يالله في سيلٍ على شعبنا سال=يأمر به المولى صدوق المخاييل
واختم كلامي والأمل فيك مازال=الكل مشتاقٍ للإسكان بالحيل
الشاعر / نايف الشويب السليمي
امرك يتم / بقلمي
العرض العادي
