لاوالله الوقت بين خفيه=وابدا عن الماضي تناويه واخبار
والناس مبطي بالامور السويه=مبطين في سير الليالي بالادوار
دور يفوت ودور يقفاه زيه=ودور يراجونه هل الخير يندار
عسى الزمن والساعة الحاصليه=يكون حاصلها مرابيح الاثمار
كم حزة غرت نفوس بريه=وصكت عواقبها على شين الاقدار
واصبح لها مع منهج الظن سيه=تكثر سواعيها من الطار للطار
خفى لها المكنون والمقدريه=سرداب هول من عواليه هدار
وكم خطوة في شان أهلها رديه=سعى لها من لايبي طولة الكار
من رافق الهافي تعثر مجيه=وشد الرحال وغرته ماض الاسبار
والا هل المقدار والمنزليه=تبقى معالمهم قديمات واكثار
يما اذهبوا من ناس بالمهميه=في شانهم ماهو على شان بوار
الناس تفرق والسنين ضحويه=مثل اللوازم بين ساعي وغتار
احد بقى صيته كم النار حيه=واحد هفا صيته والأسباب حضار
مغتر مابين الخوي وخويه=ماغير يندب بالفراغة لماصار
يركض ورا العادات والجاهليه=ويزرع من المحذور مايهيل الابصار
وياقلت له قول يقول فهميه=شفه بعيد وفيه مجهول الأقطار
وفي ظن حيرات الزمان المديه=تطيح ناس وناس مبداهم السار
نور يبينه الظلام بوريه=مابين فرق الناس اصبح له انوار
نبراس ماضين الفعول الدهيه=اللي قدايمهم على روس الاقفار