ياشيخ عفواً قصدي اقول ياذيخ
ياسفل سفاله ساكنه بالسعوديّه
لاترفـع خشيمـك تـرانا مطانيـخ
وضلـوع مثـلي بالعـزاوي قـويّه
اوبــخ اللي يسـتحـقـون تـوبيـخ
لاسيـفـك الحاكـم ولانـي رعـيّه
ولد فهـد ماني هليـمه وبـربيـخ
النفس من فيض المراجل غنيّه
ساسي رسخ عز ومعزه بتـرسيخ
مـن وقـتنـا هـذا الـى الجاهليّه
وريكات ربعي للعدا سـم زرنـيّخ
وللجـار والصاحب اراضي مـريّه
ماقول جدي شيخ ولاّ إني شويخ
اقـول …. مـن لـه لابـتـي ياهـنيّه
بفـروع شمّـر معتلـين الشماريخ
وجينّـاتـنّـا متسلسله و اسـلـميه
ازعجتنّا / وابلشـتنّـا / بالصـواريخ
مسرد حكي من شرقتـه للمسيّه
ياحيف هاك الحر عقب له فريخ
خبلن يحسب المشيخه مرجعيّه
الشيخ جدك .. يومها بالمناويخ
ياثـارت الهـيجا .. نطـح له سـريّه
اسمه برز مثل الجبال الشواميخ
يوم العشيـره كـل ابـوها بـدويّه
وفعـول (جدك) عارفينّه تواريخ
ولآ انت قصة من قصصك السنابيّه
ماعندك الا الكهكهة والطرابيخ
رخون جلس بشداد ناسن وفيّه
ان طعتني بالشور ياخبيل يادليخ
نصـيحـةن ..مالـي وراهــا اذيّٰـه
خلّ الكبر ياطاخ ياطـوخ ياطيخ
الهرج قلّه زاد الانسان شخصيّه