السلام عليكم لقد وجدت من بعض الاخوان الاعزاء كلام بأن من قتل الشيخ هايس هو ابن عقاب فريح واوردوا بعض
القصائد من كتاب مليى بالتلفيق القصصي الاوهو كتاب ايطال من الصحراء ومن أحجياته المضحكه قوله ان الشيخ
هايس وربعه البريك من الدواسر ومن الاضحوكات ايضا" انه نسب نفسه لعنزه اي ان الامير السديري نسب السدارى
الى عنزه وهذه مقالطات ومفارقات للواقع واما من قتل الشيخ هايس فهو غنيم الربضا انتقاما" لعقاب وكانت الذبحه
بمناخ الوديان وقد أخذوا ابل الشيخ هايس وهن عيون البنات والجدعا هي ناقه الشيخ هايس
ويقول شاعرهم بعد مقتل الشيخ هايس واخذ الجدعا
ياغنيم سند لاتطيح = ترى سلفنا مايل
الجدعا قامت تصيح =ناقه القعيط الحايل
وبعد سنوات من قتل الشيخ هايس اتى الى الحكم عبدالله العلي الرشيد حاكما" جديدا" للجبل بعد ذبحه العلي
فقالوا لغنيم والله ما يفكك من شمر الا شمر ولكن خذلك هدايا واذهب الى عبدالله الرشيد وبارك له وعطه الهدايا
واطلب مخاواته وتراه مايردك وفعلن ذهب الي الامير عبدالله وهو محمل بالهدايا من الخيل الاصيله ولما حضر اعطا
الامير الهدايا وطلب المخاواه وان يكون جليس للامير فرد ابو طلال عليه انه لامانع لديه ولكن بعد مشورة كبار شمر
لان الامير جديد ولايعلم بجميع الخلافات بين شمر والقبائل الثانيه وخاف يجلسه ويكون له عند شمر طلب ويزعلون عليه
ربعه ولما علم رشيد ابن طوعان وكان كبير بالسن طلب من ولده ان يأخذه للامير ولما وصل رشيد قال الامير سلم على
غنيم الربضا يابن طوعان فرد عليه رشيد بقصيده وهيا
ياغنيم عندك هايس نطلبك دين = خيال تالي شمر بالسنودي
ان كان ماجازاك عنها صباحين = ماهو ولد علي عريب الجدودي
وفعلن رد الامير الهدايا للربضا وعطاه المهربات وهن ثلاث ليال وما يمدي الربضا ياصل هله والابشمر عنده وذبحوه
وذباحه هو كليب ابن شريم
اما ما قيل بفريح ابن عقاب فيحضرني قصيده حسين الذنيب السويدي ويذكر فريح بذبحت ابوه وان ثاره راح ماخذاه
وهو ببطنه وان العلوم معروفه وانك قصير شبر أي انك رجل عادي مابك شجاعه ولاتاخذ الحقوق وهي قصيده رد
راكب حر ولد صيعريه =ماتلحقه مطقوقه بالمسامير
الى ان يقول
يافريح يابن عقاب اثريك غيه= الشيخ ماتاتي علومه مصاخير
بالك تناحي سربه شمريه =يخرع لميع اسيوفهم والبواتير
كان الثرى بابوك ذيب السريه =اسقوه من مر الشرى والمذاكير
واجلد بلغف وريك مثل السديه =وعمك وزيد المرتعد طاح مادير
بوجيه ربع كلهم باسليه =قضان لهذلول زبون المقاصير
وراجت عليه الخيل وقت ضحويه = وتودسنه بين ورد وتصدير
وخلي عشاء للذيبه الحضرميه = وشهب الطيور متسوهبات المناقير
وفاجاه قرم عند تالي الرعيه = فلاح زتك عن تالي المظاهير
رماك بالبيداء بقاع النديه = ولاخذت ثارك ياقصير التشابير
ولجت عليك العزوه الوايليه =يذري عليك العج مثل المعاصير
وثارك ببطنك والعلوم محكيه = ونعدها لمدورين التفاسير
اما من سأل هل توجد قصائد بذباحت عقاب اللي هم العبدات فأقول نعم ومنها قصيده الوبير
عندما قال
ومروا على عبده وركبوا ثلاثه = جهيل ياحلوا الجهل بوقوت
دوشق بن سنيدان واحد مشاري = ومفيز العفر اللي بهم مبخوت
ويقصد الوبير انهم صغار سن وان اللي حظيظ بهم هو مفيز لانه ذبح عقاب العواجي
.................................................. .................................................. .................................................. .................................................. .................................................. .................................................. ......................
هذا موضوع قديم لي هنا أخي حبس الضعن حبيت أنقله لك للأستفاده
والسلام عليكم