الصبر ثم الصبر ثم الصبر اخوي خالد ،،،
أسرجت قيفان الالم والتجنّي = وطاوعتها يومن هوى الفاس بالراس
مالي بها حاجة ولالي تمنّي= غير الشرف ياعالي الجود والساس
قيفان نزفك (يالمناور) لفنّي= وهزّن بي العبره وانا إنسان حسّاس
كل المدامع حدرن وإدمعنّي= واسقن مواطي مقدمي وأرون الياس
ماغير اردد هقوةٍ تمتحني= كل ماعطيته للظما ردت الكاس
وشربتهن من قبل لايشربنّي= حلاتهن مره ومرارهن باس
لاتشتكي من جور وقت التدنّي= عمر القطامي ماشكى الهم لبساس
وانا ترى مثلك همومي شكنّي= قامن يلوعني مع اخماس واسداس
وضربتهن عرض الجفا وزبنّنّي= وعايشتهن مجبور من دون الاجناس
خلك قوي.. صابر.. ولا للتثنّي= ربك كريم ويكسي العظم بلباس
شرواك ذيب ليا الليال إظلمني= قرناس صيد وتعتلي كل قرناس
اتمنى ان ترسلي رقم تلفونك يابو مناور
تحيتي وتقديري