اقتباس:
|
المشاركة الأصلية كتبت بواسطة المرجف
على غرار قصيدة القاضي
يامن يبشر شمر شاخ بندر *** كل القبايل من غلا ابوه تغليه
هذه القصيده قيلت بالأمير / بندر بن طلال العبدالله الرشيد
بعدما تسلم مقاليد الحكم ...
للشاعر دخيل ابن سكته البناقي :
يالله ياللي تحيي العشب لومات=من مدلهم يجعل السيل رايب
ياعالم بالغيب رب السموات=يامدبر الأشياء مدير الهبايب
أمس الضحى ونيت لي تسع ونات=والعاشرة منها ضلوعي حطايب
ابكي على عصر مضى عقب مافات=زل الصبا واستقبل العمر شايب
قصر غزيرالشوف عن البعيدات=وغدا عن الهقوات بالقاع رايب
غدا يتاوم يوم يلجن عجلات=شربن زعوج الريح واقفن حطايب
وغدا يعاود تيسهن عقب مافات=وغديت كني من طردهن عايب
ولا يذبح الرجال غير العفيفات=بيض الخدود متعففات الذوايب
هضم الخواصر بالمراقد لبيبات=ويدعن للقلب المشقى نهايب
وتأخذ عليهن تالي الليل ساعات=ومن حبهن يصبح لك البال طايب
غر الثنايا منهن الروح مسقات=والعقل من زين العماهيج ذايب
ولابغن شي يجي بالمراضات=هصر بحد السيف من غير طايب
ولاعايزك قيل تجيب المطمات=تفلج ليامنك بغيت الطلايب
مثايلك عند القبايل عذيات=قولك وقول الناس ياشيخ صايب
مثل الحليب اللي له النفس مشهات=والا معاشر ناقضات الذوايب
مير انت للشعار ياشيخ ثبات=كالجدي للي يركبون النجايب
معهم خيال تالي الليل مابات=كونه دعا ذود المعادي نهايب
تسمع رزيمه للجموع الثقيلات=زمايل بليل النظا والعرايب
وصنع الفرنجي والسيوف المحنات=وضياغم يتلون عطب الضرايب
طلال مات وحكمه اليوم مامات=وعسى الخلف بندر مقضي النوايب
مدعي صليب الهجن طوال مغيرات=والخيل قدامه تدور النهايب
وقدرٍ لكم ماركبه كل مافات=ولاحط من ثقله فليح القصايب
كم فاطر بيض فقاره معفات=تذبح لخطار الشيوخ العرايب
بي مسحب معليه رب السموات=راعيه يوم الطيب ماهو بغايب
والطيب لو يموت راعيه مامات=والبخل عن راع المروات غايب
ولاينفعك زادن كليته ليافات=ولا ينفع المفلوج عوج الطلايب
اتمنى يعجبكم الإختيار ..؟
تحيتي
|
السلام عليكـ
المرجف
يعطيكـ العافيهـ
عالاختيار الرائع والموفق
يامن يبشر شمر شاخ بندر *** كل القبايل من غلا ابوه تغليه
سلمت يمينكـ عالمشاركهـ
صح لسان شاعرها
والله يرحم الامير طلال الرشيد وبندر الرشيد
كل الشكـــــــــــــــــر
احاسيس الطنــــــــــــــــــايا,,,,,,,,
قصيدة بالأمير / بندر الطلال آل رشيد ..!!
...
العرض العادي
