اليكم اخواني في المنتدى هذي القصيده المعبره وهي لها مناسبه لاستطيع ذكرها الان والقصيده تعبر عن نفسها
بديـت بسـم الله رب السمـوات=اللي خلقنا من العـدم للوجـودي
اللي نصر عبده على اهل الخرفات=وهزم جنود الملحـده واليهـودي
الله على وقتا حضرناه ثـم فـات=ليته علينـا بـس مـره يعـودي
وقتن به الونس وفيـه الملـذات=والصدر خالي من جميـع اللهودي
يـوم نتمشـا بلفيـاض العذيـات=اللـي هواهـا راحتـن للكبـودي
مركابنا من فوق هجنن اصيـلات=امـا علـى ذلـول ولا قـعـودي
سفن الصحاري ماتعرف العطلات=ماهو حديدن يشتغـل بالوقـودي
وماكولنا تمرن وحليـب خلفـات=ونشرب من الغدران هي والعدودي
ومسكاننا ببيوت شعـرا جميـلات=يازينهـا لاشـيـدة بالعـمـودي
وياحلو شوفت لابسات الحمـارات=بيض العذارا مركـزات النهـودي
على قطينن كـل ابوهـم قربـات=مافيه ناسا زي وصف القـرودي
مافيـه لاهنـدي ولافيـه بيهـات=ويضا خليه من جميـع الزيـودي
بس المدوه يوم يزعج بالاصـوات=اخير مـن عبـده ليـادق عـودي
واليـوم لوانـا بنعمـه وخيـرات=بامنن وامانن تحت حكم السعودي
ماغير نحسب ربحنا والخسـارات=ماهمنـا لاغيـر نقصـا وزودي
نركض ورا الدنيا وجمع الريـالات=ماغير نغبط الراجحـي والحمـودي
هذا زمـان الفخفخـه و الدعايـات=واللي ماعنده مال مثل الطـرودي
يالله تكفينـا شـرور العقـوبـات=يارب يالي لك عبيـدك سجـودي
قلته وانا من لابتـا لـه سجـلات=اهل الفخر من يوم سمدا سمودي
ضياغما لنـا تاريـخ وبطـولات=لامن نار الحرب شبـت وقـودي
انا جعفـري والخـوال العمـارات=ولاقول انا بيه على الناس زودي
وختامها على الرسول الصـلاوات=عد الهبايب والحجـر والنفـودي
الشاعر عبدالله الجرهدي
ملاحظه(الجعفرمن شمر، والعمارات من عنزه)
.gif){kind=icon}
نشرب من الغدران هي والعدودي
رد: نشرب من الغدران هي والعدودي
العرض العادي
