ولا اطلب ثنا المعروف من غير صاحبه(من نوادرابن شريم)

سليمان بن شريم واحد من اعلام الشعر وقد اشتهرت له عدة قصائد مازالت ترددالي يومنا
وربما قصيدته هذه لم تلق شهره كما لقيت قصائد من نوعها لشعراء غيره الاانني لاابالغ
أذ قلت انهذه القصيده تفوق كثيرآ من قصائد النصح والحكمه التي كنا قرأناها ولا اريد
سبر اغوار هذه القصيده بل ادع هذه المهمه للقارئ ليكتشف بنفسه اهميه هذه القاصيده

النـــــــــــــــــــــــــــــــادره :

عن اللي صفح نصفح ولوكان هوغالي:والأ قبال يبشر صاحبه بالنبا الغالي
على ماضي بالوقت الأول ومابقا :فلا خير باللي ماله اول ولا تالي
وأنا في سنين مابقى الا رسومها:فريد وحيد وكن ماقيل يبرى لي
أذا شفت جفوىمن رفيق لقيتني:صبور على فرقاه في كل الأحوالي
ولاأبين أسراره وعاره يعورني:أخليه في فاله وأنا أروح في فالي
ولاانيب أفاخر بالعطايا وأمنها:لو فوتت من شيمتي دق وجلالي
ولانيب حباب لمن لا يحبني:تصير المودة فيه بلوى وغربالي
كما تاعب يتعب على غير فايده:مثل ما سبق حفار جحر وهوخالي
ولاأبين اسراري لمن لايسرني:ولو شلت حمل باهض صبري أشوالي
توريك نفسك بالمجالس وبالرخا:كما لمعة القصدير في طافح اللالي
فألي هقيت أنك تروده وترتوي:فلاتاجد ألا حنظليل بالاشكالي
ولانيب أجازي راعي الطيب بالردى:وأنا خابر ماادركت يذكر من أفعالي
أجازيه بالحسنى عن الطيب بالنقا:وأشيع ثنا مجده على روس الأقذالي
ولو حسني تالي زماني وضامي:مقادم كراماته تكفي عن التالي
ولااطلب ثنا المعروف من غير صاحبه:أقيسه بعقلي واستدله بالامثالي
فلولا الدلايل ما اهتدى ساير الدجى:ولولا المعرفه ماادرك الجود رجالي
ولامهدي شوري لمن لااستشارني:وهومثل صوت القايله بالخلا الخالي
ولانيب هراج على غير مستمع:تجي رمية العرضة لها فعل وأمثالي
ولا ناصح من لايميز نصيحتي :يصير الدوا مجهول والجرح قتالي
ولاخير بالدنيا الى صار مابها:رفيق يميل مع الدهر حيث ما مالي
ترى عاذل المشتاق عنراس مقصده:مثل من يرد السيل يرجع الي العالي
ولانيب جزاع الى شفت كربه:فلا كربة الا بين فارج وحلالي
واصافح الى شفت الجفا من رفاقتي:وأدور بدلهم لي رفاقة ومنزالي
الابعاد عن دار المذله معزه:ولو من ورا تونس مقري هو أشوالي
ولانيب صداد بوجهي عن الذي:يدور لمرضاتي ولا نيب ملالي
ولو بت أنا وياه في غبة البحر:على لوح ساج شاله الموج من عالي
أرغم على لاماه وارفى لزلته:ولا اطيع به واشي ولا شور عذالي
ولا نيب ادور عثرته عقب عشرته:ارى حقه الوافي بعقلي ومكيالي
ومن لاادرك الجواد على وقت شبته:اظنه لها في تالي العمر مانالي
هذا صدر والفعل بالقول مقترن:والايام أثاريها جديدات واسمالي
اقول وانا عيني من الهم والعيا:تهل العباير في دجى الليل همالي
هذا وصلوا مازها زاهي الكلا:على سيد الكونين والصحب والالي

ابن برزان

 

 

 

 

 

 

 

 

 

 

صح لسانك يابن برزان ولسان شاعرها الله يعطيك العافيه اخو ابن برزان على الجهد

 

 

 

 

 

 

 

 

 

 

الله يعطيك العافيه علي مشاركتك


بانتظار مشاركات اخري مميزه


تحيتي

 

 

 

 

 

 

 

 

 

 

بيض الله وجهك يآبن برزان ولاهنت ياحيي

 

 

 

 

 

 

 

 

 

 

تسلم يابن برزان لاهنت

لك وافر التقدير على ما سطرت

 

 

 

 

 

 

 

 

 

 

	الله يمسيكم بالخير جميعآ وشاكر ومقدر مروركم الكريم والتعليق

ابن برزان