إيليكم هذه القصيدة التاريخية عن الحدث الحقيقي عندما ماتن بعارين الشاعر بطيحان ابو سعدون وسمعوا به الهضبة وشالوا البيت على ظهورهم من الغردقيه إلى قارة طويسان
واللي بالرجال يعد والكل منهم الان تحت الارض لاكن الذكر باااقي رحمة الله عليهم جميعاً يقول الشاعر بطيحان الحنيان هذه الابيات ,,,
بديت بالله قبل ما نويت بالسان =الله كريم بالرخا محترينه
تعود لي عودت ارياض وسمهدان =عقب المحل ربي عطاها بحينه
يا هيه ياللي فوق عجلات الاقران =أخذو جوابن بالورق كاتبينه
خوذو جوابن من طرايف بطيحان= من كوكبن كل العرب باخنينه
يومن شبت وشلهبت بنيران = ردوا على اللي قبل رادينه
بيتي خلاوي ظل غربي شبيكان = كل ما لفوا طرقيتن شايفينه
نعمين بالهضبه مطاليق الايمان = كلن فتلي شاربه بي يمينه
من الغردقيه لين قارة طويسان = والبيت فوق ظهورهم شايلينه
الكل منهم بالمحامل بليهان = وحتى مساعد فوقهم مركبينه
ونعم بو خو عيدة بلحيت غريبان = ابن ركاد القرم عاشت يمينه
يوم ادبحت رده علي مهو كوبان = بشهود ربعه كلهم خابرينه
ويادحل ربعك كل ماردت لي لان = للان الآخر زايدن ملحقينه
وياعل عمرك دوم يابن دبيان = جاب الذلول برشمته راسنينه
يفداهم اللي طيبهم بس بلسان = اللي يحطون القصيرة خدينه
ويوم العفون آمالهم طار شيطان = مات الحلال والا ادركو غير فينه
ونعمين بالعواد ليا نار كوبان = زوبع هل الرده مهم شاحذينه
وعيال الغفيلة ماهبو ذكرهم بان = كلك وابو متعب ثنو مع كمينه
مشكاي لله ثم أشاكي فنيسان = ولد الغفيلي قبل ذا باخنينه
لاطب بالفرجة كما الذيب سرحان = لاجاء الثنايا لزم يملا يدينه
من باب حايل للمدينه لزوزان = راياتهم بيضن بعالي بطينه
بيضن تسن اوجيههم كل ميحان = بحكايتن كل العرب خابرينه
وسلامت الجميع
قصيدة للشاعر المرحوم بطيحان الحنيان ابو سعدون على الهضبة
العرض العادي
