الشـعر من وقت السـنين القديمات = حكمة وعبرة للقلوب الفطـاني
معـروف عنـد الحاضرة والبداوات = وقت الفرح معهم وقت الحزاني
لكن اشـوف اليوم صارت خرافات = ياكثر ماتلقى من الشـعر واني
شـعر حكي تصفيف كلمة بكلمات = ياكثر ما نسمع ولاله معــاني
بعض العرب يملا صحيـفة بزافـات = ويقول هذا شعر ربي عطـاني
ناس على كتب القلم بالســجلات = يسطرون الحكي سـطراً وثاني
صار الشعر هالوقت موضة وكشخات = كل يقـول انا ولا هو فـلاني
لو الشعر له صوت طوح بالاصوات = ياناس فكـوني من اللـي بلاني
من قبل ما هـو للدياوين هرجـات = اليوم كلٍ له يجر الســـواني
يالله دخيـلك من اشـرور وبليات = ياجاعل السـيه بعشر الحسـاني
طالبك يالمعبـود حسـن الختامات = تغفر لي الزلة وعنـها تحــماني
انا اشهد يالبطيحان
الشعر تحدر ماهو مثل اول
لكن مادم به شعار مثلك يبي
يصعد ان شالله
صح السانك وعلا شانك
تقبل تحياتي// سعود المشعل الضوي الزميلي الشمري