هذه القصيده كتبتها في زميل لي في الرياض
هو الأخ / سلمان بن داخل السلماني الشمري
شخص خوي بكل ماتعنيه الكلمه فوجهت هذه القصيده له
وهو يستاهل اتمنى انه تنال اعجابكم
القصيده
بديت باللي للسريرات علا َم=الواحد اللي في يديه التدابير
تحيتن عنوانها وجه الإسلام=تاصل لأبو داخل بلا أي تأخير
خوَة مثل شرواك في صدري وسام=خوَة شرف كلَه معزَه وتقدير
أخير من خوَة كذوب(ن)ونمام=اللي على شذب المقفي شطاطير
دنيا يابو داخل مهي بلبس هندام=دنيا تشيَب من بعد توه صغير
بعض البشر في زلَتك يرفع أعلام=لو فيه جنحان(ن)كفخ كفخة الطير
وبعض البشر له غاية(ن)كلها حطام=خوَة مصالح مايجي بعدها خير
وبعض البشر يم الردى وصل وخطام=قربه ردى في قربه تزود تحقير
وبعض البشر يضحكلك بزيف ووهام=ظاهره مسك وقلبه أسود من الكير
وبعض البشر ماهو لك سناد وحزام=وقت الرخا سلطه ووقت الفعل غير
ويجيك بعض الناس تكميل الأرقام=يعني على ماقيل هو زحمة السير
محشوم عنهم ماتغيرك الأيام=طيب (طبيعه وأصل) شعري بك يحير
ويجيك بعض الناس طيَب ومقدام=دايم يمينك ينتظر منك تأشير
إليازهمته تسمع بصدره إرزام=مثل الرعد يرزم بوجهه تباشير
هذا مثل شرواك سلمان لاقام=عريب مجنى مايجي منك تقصير
وصلاة ربي مسك شعري له ختام=على الرسول إعداد وبل المزابير
أخوكم / ممدوح بن زايد القدهي الغريري
.gif){kind=icon}
قصيدتي بالسلماني
رد: قصيدتي بالسلماني
العرض العادي
