الطيب ماهو حسوفة ٍ بالميامين * مار البلا اللي يجزي الطيب نكران

للتواصل وعدم الإنقطاع وأعذرونا عن القصور
فإن أصبت فمن الله عز وجل
وإن أخطأت فمن نفسي والشيطان

حكو علي ناس ٍ على القلب غالين=إن الردي ماله جزاء غير الإحسان
حللـَـته بقلبي بكل الموازين=لقيته أحلى مُـــــــــرْ في كبد إنسان
الطيب ماهو حسوفة ٍ بالميامين=مار البلا اللي يجزي الطيب نكران
أمشي وأخاوي من على العهد موفين=اللي بصفحات الوفاء كل عنوان
الطيبين النادرين الكريمين=اللي لهم فعل الأجاويد نيشان
ناس ٍ بعاد وناس حتى قريبين=عندي سواء مافيه فرق ٍ ونقصان
تبقى مكانتهم على الراس والعين=دام الوفا مضمار والطيب ميدان
نسوق رجلينا مع الوقت ماشين=نسوقها والغيب ماعنه مزبان
راضين باللي يكتب الرب راضين=يالله عسى بقلوبنا يزيد الإيمان

.

أخوكم / ممدوح بن زايد القدهي الشمري

.

 

 

 

 

 

 

 

 

 

 

أشبعتني شعر
يالقدهي
صح كلك قصيده فيها من عزة النفس ما يجعلها في القمه
نعم تغيب ولكن تحضر بالشعر
ماقصرت يالقدهي
عاد لاتحرمنا من جديدكـ

 

 

 

 

 

 

 

 

 

 

ح ـي الله اخونا الفاضل

ومشرفنا الراقي

السكب الاسلمي

صح لسانك ملياااااااااار وتكرااااااااار

ولاهنت شاعرنا الجزل على القصيدة الجزله

والنعم فيك وفي كل طيب شرواك

اسمح لي بتثبيتها

دمت بخير وسلامه

 

 

 

 

 

 

 

 

 

 

صح لسانكـ يابن العم

قصيده قمة الروعه


سلمت ولاهنت



واسمحلي بنقلها

 

 

 

 

 

 

 

 

 

 

الأخ ملتاع الطنايا
لاهنت ولاهان مقداركـ وتسلم على مرورك وإطرائكـ
لاخلا ولاعدم

 

 

 

 

 

 

 

 

 

 

مرحبابك الأخت الشاعره الشمريه المجهوله

وأشكرك على مرورك الطيب الثري وشكرآ لك على التثبيت
لاخلا ولاعدم

 

 

 

 

 

 

 

 

 

 

ياهلابك أخوي عبدالعزيز السلبودي
وصح بدنك والقمه مرورك يالعزوه
وبالنسبه للنقل ماعندكـ ألا حلالك

 

 

 

 

 

 

 

 

 

 

صـــح لسانك يالاسلمي

لاهنت على الابداااااااااع

دمت بود

 

 

 

 

 

 

 

 

 

 

الشقاوي
يسلمك ربي على مرورك اللي يسعدن
لاخلا ولاعدم يالعزوه

 

 

 

 

 

 

 

 

 

 

الطيب ماهو حسوفـة ٍ بالمياميـن
..................... مار البلا اللي يجزي الطيب نكـران

بيت عن ألف بيت
وفعلآ قصيده تنطبق على وقتنا الحالي
صح لسانك ياأبو زايد