خلاف في الجزيره على من قائل هذه القصيده ارجوا الايضاح
ابدي بذكر الله على كل مبتدا = حيثن ذكر الله على الخلق جاير
حرٍٍشلع من راس برزان وانتهض = طلعه بعيد وجاك على الصيد غاير
شاف العلف باطراف ابا القير واحتدى=وفرق اجسامن ريشه مثل العثاير
خم السمين وشنف الطير بالعلف =وثب على خرب سمين الفقاير
يشعث بنواف من الصبح للمسا = والبيك وابن غبين راحوا كساير
وتركي لباب الدير مالم شملهم= يشرب ملاح وساري بالليل ناير
مستقفيهم يضرب العوص والعصا =صابور زودهن وقود السعاير
ولدهديب مكلف الزمل بالسرى = ماعوزه الا بالجناحين طاير
بأول هل الطوعات فرسان غلبا= بظهورهن مثل السواني الضواير
من جراب لغراب لجبه لمسكه =للمجمعه لسدير طلق الشكاير
حرم على البدوان ماينزلونه=تجافل العربان عنها كساير
لا قايله كذب ولا هي مزامطه= ولاني على العيرات زمان داير
مير الثنى يستاهله من يدرك الثنى = يستاهل التمديح حمر الظهاير
تلفي لبيت ٍ صيوانه مختصر = وخيام تلقى به شيوخ الذخاير
وتلقى شبيه سهيل ياراك بينهم = ياجيت يدنو منك عيونه حراير
يامير الله يفكك من البلى =يامن المظلوم لياجاك ناير
سم العدا ياحاتم الصخا = ياسو ضدك ياعزيز القصاير
يامير ياحوت على ساحل البحر =تبلع بواليع كبار عباير
يامير يامعطي السبايا بلبسهن = طوال العلابي مطبقات السداير
ياميريامعطي شمخ الذرى =كبار الجماجم متمزات عشاير
يامير يانجم يتهاضل من السما = يودع شخانيب العوالي نثاير
ياميرياسيل غشا العلو والوطى =تلقى مداهيمه به الورد صاير
تسعة عشر عام ونجد مرنه = لاكان كوان ولاغار غاير
ربي عسا كل عام تعود لك =بقدرة المولى عليها00000
افضل مانذكر نبينا محمد = المسعد اللي لياجاه زاير