محمد ابن دهيثم يرد على الشيخ ساجر الرفدي

ساجر الرفدي بعد ان هاجموه شمر على دور الاميرعبدالله الرشيد
ووصل الخطر ولكنه سلم قال هذه الابيات

يومنها نجد وانا من سكنها = واليوم مايسكن بها كل ممرور

شامت لعبدالله وانا جزت عنها= قرم ٍيصبح به على فجة النور

أنا احمد اللي فكني من شغنها= دليت اغني مابين عرعروابا القور

ورد عليه محمد ابن دهيثم في هذه الابيات

راكب اللي راكبه مامحنها =حمرا شناح الكوع مايزحم الزور

تلفي لساجر شوق رادع وجنها= ياشوق من قرنها على المتن منثور

هو ليه ياساجر تنحيت عنها = اصبحت عنها نايرن تكل مذعور

جزوك عنها اللي وساع طعنها= عيال الطنايا ياصادمت كل صابور

نجد ٍ حموها زوبع ٍمع يمنها =صعول الرجال مهدية كل مسطور

يوم ان عبدالله بكفه مكنها= غدوا له عيال الطنايا تكل سور

نجدٍ لنا مانرخصه في ثمنها = مانعطيه لو لحقنا عليها جور

يوم عبد الله ولاها ضمنها = خلا هله بافراح وسرور

 

 

 

 

 

 

 

 

 

 

.

يومنها نجد وانـا مـن سكنهـا
واليوم مايسكن بها كـل ممـرور

عزالله انه صدق
وصح نقلك ياسنجار لاهنت ودمت سالمآ



.

 

 

 

 

 

 

 

 

 

 

قال ساجر الرفدي بعد ان ذاق الويلات من شمر ،،
وخصوصاً من الأميرين عبدالله وعبيد الرشيد ..

قال :

الله مـن عيـن تزايـد حزنهـا=والقلب من صكات الايام مسمـور
من شوفتي داري تغيـر وطنهـا=من عقب ماني داله القلب مسرور
دنولي الحمـرا ومـدوا رسنهـا=وهاتوا ذلولي وانسفوا فوقها الكور
ياما حلا المسلاف بـاول ضعنهـا=مستجنبين الخيل يبرا لهن خـور
يومن انها نجد وانامـن سكنهـا=واليوم مايسكن بها كـل ممـرور
شامت لـ(أخو نوره) واناشمت عنها=اللي يصبح به على فجـة النـور
وانا احمد اللي فكني من شطنهـا=ومكيف مابين عرعر وابا القـور

فأتى الرد الصاعق من محمد بن دهيثم من المختار من الغفيله من سنجاره :

ياركب اللي راكبـه مـا محنهـا=حمرا شناح الكوع ما يزحم الزور
تلفي لساجر شوق رادع وجنهـا=ياشوق من قرنه على المتن منثور
هو ليه يا ساجر تنحّيـت عنهـا؟=أقفيت عنها خايفٍ تقـل مذعـور
جّزوك عنها اللي وسـاعٍ طعنهـا=عيال الطنايا هادمه كـل طابـور
يـوم أن عبـدالله بكّفـه مكنهـا=غدولها عيال الطنايا تقـل سـور
نجد لنا مـا نعطيـه فـي ثمنهـا=وعن ما يبيها عندها دايم حضور
نرخص عمارٍ غاليه مـن جهنهـا=ولا نعطيه لو لحقنا عندها جـور
نجدٍ حموهـا زوبـعٍ مـع يمنهـا=عيال الرجال مطوعت كل مسطور
يوم أن عبـدالله ولاهـا ضمنهـا=خلا ، آهله بافراح وسعود وسرور

.
.
.

سنجار

عشت ولاهنت يالذيب

رائع كما عهدنااااااااااااااااااااك

.

 

 

 

 

 

 

 

 

 

 

سنجار الله لا يهينك

السنجارى مشكور على الاضافه

 

 

 

 

 

 

 

 

 

 

لله يرحمهم جميعا ويرحم زمانهم اللي مافيه كذب ولاجور!!
تشوفون ياجماعه كلام ساجر وكلام ابن دهيثم!!!
الله اكبر مافيه سب ولادفن حسب قصدي تجاهل لطيب الاخر بل يمدحون بعضهم وهم اعداء!!!

هذا النقى الله يرحم زمانكم.

سنجار الله يعافيك على النقل.

 

 

 

 

 

 

 

 

 

 

شكرا اخى سنجار
شكرا اخى طنينان لكلامك الصادق

بالفعل رائعتين تلك القصائد

رحم الله الشيخ الشهم / ساجر الرفدى

رحم الله الشيخ الشهم / ابن دهيثم

اما الان / نحن وعيال وايل اخوان

تحياتى لكل شمري ولكل عنزي يقرأ هذه السطور

 

 

 

 

 

 

 

 

 

 

شكرا اخي سنجار اللة يعطيك العافية

 

 

 

 

 

 

 

 

 

 

الاخ نايف حياك الله واشكر مرورك لاهنت

 

 

 

 

 

 

 

 

 

 

الاخ محمد السنجاري حياك الله واشكرك على هذه الاضافه واشكر مرورك لاهنت

 

 

 

 

 

 

 

 

 

 

الاخ ابو الحارث حياك الله واشكر مرورك لاهنت