قصيدة العوني(وين الطنايا وين شرابت الهيل

قصيده للعوني يستنجد بها شمر وينخاهم للدفاع عن حايل

عزي لقلب كلما قرب الليل
عليه صارن الدقايق جلايل
أعتاض عن طيب الكرى بالتعاليل
بافـكار واذكـار وقـول وقـايـل
والعين كن بموقها يدرج الميل
عيت تطيق النوم من فور جايل
على بني عمي سنادي عن الميل
نطاحة الكايد كبار الوهايل
أقفو كما مزن ثقيل المخاييل
من زاعج الغربي حدر له شعايل
شـمـر مقابيس المنايا هل الخيل
عصم الروايا مقحمين الدبايل
يادار وين اهل المهار المشاويل
اهل النزول اللي تعز النزايل
بكيتهم يوم ارتكم فوقي الشيل
وذكرتهم يوم صار الضد صايل
وصاح الصياح وطوحن الهلاهيل
وهلت دموع معكرشات الجدايل
وقلت أبشرن مادام بالعمر تمهيل
مادام ما رزت علي النصايل
لاتبكن الوحده وقل الرجاجيل
مادام عين الله علينا تخايل
وظهرت أنابأسم العصاة المشاكيـل
لو هم قليل يدركون الجمايـل
هم حاصلي لا كملن المحاصيـل
غوش الجبل خزني غلامين حايـل
باعو عزيز العمر دون المضاليـل
وحمو حماها مقدمين الفعايـل
قالو عليهم قلت زجو هـل الخيل
وقهرتهم غصب ٍ وردو غلايل
وادنيت هجن يقربن المحاويل
هوج هجا هيج هجاف نحايل
علاكمن تطرب أقلوب المراسيل
خفقات رققات صلاب جلايل
قلايص عوص صعاصع شماليل
من سلسلة نسل السباق السلايل
الصبح مدن كنهن جولة الريل
فيح علت من فوقها رجال حايل
وصبح أربعن تلفي نزول كما الليل
شـمـر ليا عدت فروع القبايل
أدنى بالادنى خبروهم بتفصيل
لاتسفهون اصغارهم والحمايل
ولازم اللي شـافو اركاب مقابيل
تلزمهم النشدات عن سكن حايل
قولو لهم يا مقبليـنن على حيل
نجد وأهلها يطلبون الاوايل
جوناهل العارض بقوم ٍ كماالسيل
يبغون دارن هابها كل عايل
وجرى لنا يوم بياطب به الشيل
يطيح ماتثـني عليه الرحايل
واضفا على عكاش مثل الهماليل
ياطول ماحنا لهم بالاوايل
وين الطنايا وين شرابة الهيل
وين الجمال اللي تشيل الثقايل
وين السيوف اللي تعدل عن الميل
وين الرماح اللي تحت كل عايل
وين النشامى والعصاة المغاليل
وجميع من ضربه تضيع الدلايل
نشرب بهم صافي القراح الشهاليل
وننزل بهم غصبن على كل طايل
غـلـبـا ترى بلدانكم لبست النيل
تنخى الرجال مكرمات الاصايل
تنخى هل العادات كرام الاسابـيل
يوم التعازي والدخن له صلايل
قلته وانا معكم على العدل والميل
لـعـل مانعـتاض عنـكم بـدايــل
تمت وصلو عـد د وبل المخاييل
على نبي الحق مازال زايل
ـــــــــــــــــــــــــــــــ

 

 

 

 

 

 

 

 

 

 

يعطيك العافية






وتقبل تحياتي ومروري......

 

 

 

 

 

 

 

 

 

 

مشكور يامحمد

وصح لسان الشاعر

 

 

 

 

 

 

 

 

 

 

 

 

 

 

 

 

 

 

 

 

وين الطنايا وين شرابة الهيل
وين الجمال اللي تشيل الثقايل
وين السيوف اللي تعدل عن الميل
وين الرماح اللي تحت كل عايل
وين النشامى والعصاة المغاليل
وجميع من ضربه تضيع الدلايل
نشرب بهم صافي القراح الشهاليل
وننزل بهم غصبن على كل طايل

========================

الله

من أروع القصائد واطيبها

لاهنت يالغالي وسلمت على القصيدة

 

 

 

 

 

 

 

 

 

 

آللهـ اللهـ ..


آحفظ هالقصيدة من صغر سني ..


رآئعـه ومحمسهـ ..

لله در كل شمري ..


لآهنت ياعزوتي ويعطيكـ الف عآفيهـ

 

 

 

 

 

 

 

 

 

 

يعطيك العافيه اخي الكريم
على نقل القصيده الرائعه والقيمه

تحياتناااااااالاخويه

 

 

 

 

 

 

 

 

 

 

سلمت وصح لسان شاعرها


لك الشكر والتقدير

 

 

 

 

 

 

 

 

 

 

صح لسان قايلها وسلمت يمين ناقلها

لاهنت اخوي على هذا النقل المميز

تقبل مروري

 

 

 

 

 

 

 

 

 

 

سلمت يامحمد الخشرم
وصح الله لسان العوني رحمه الله