رسالة بغداد الى المعتصم شعر لابراهيم بن عزام الشمري
يا المعتصم علق بصدرك وساما=بثاني زعيم للعرب حط به اقياد
بثاني زعيم ظل مرفوع هاما= يالمعتصم لو هو على الموت ينقاد
على خطا المختار مسك الختاما=يا المعتصم بالعيد تاريخنا انعاد
بالعيد قائدنا تنفذ اعداما=صدام اخو هدلة شهيداً لبغداد
وعليه من ربة رجال عظاما=تسأل تبي رداً على روس الاشهاد
ليه عاصمة هارون يرمى لثاما=وحنا انتفرج كيف تعبث به اوغاد
يعبث به اللي ما يصون الكراما=عبد الغزاة يريد تذليل الاسياد
وحنا لنا تاريخ بارفع مقاما= ام لنا مهد الحضارات بغداد
ام وجرحه نازف ما تناما=ليله طويل وترتجي لجرحه ضماد
وترسل صدى صيحاته يا حراما=للمعتصم صيحات بغداد تنعاد
يا المعتصم بغداد حلمه بسلاما=مانوخت يا المعتصم قلعة جهاد
ويا المعتصم بغداد يابى غراما=تشوم للانذال هيهات تنصاد
ويا المعتصم بغداد جيده حزاما=ماركعت يا المعتصم صبرها زاد
ويا المعتصم تابى تكون الزعاما=للي على دبابة الاجنبي عاد
ويا المعتصم سبة عيال الحراما=معتم سما بغداد ملبوسها حداد
اسيرة ومكبلات احلاما=سجينة باسوارها مهد الامجاد
عرض العروبة عند عرضه تحاما=وسيوفها يا للأسف وسط الاغماد
وفي صفحة التاريخ خطة اقلاما=رسالة تنبي بها امة الضاد
رسالة تنشر الى يوم القياما=توضيح للاجيال تقراه الاحفاد
تذكر به اللي تاجروا باحتراما=اضعاف انفوس اللي للاوغاد سجاد
زبالة التاريخ سلة اقداما=من خانها وعان العدا نشر الاحقاد
باجباههم للعار وسمة علاما=ان ازروا حمله تسيس اموساد
حملة صليبية تطارخ اعلاما=حفيد هولاكو يبي الدين ينباد
رسالة بغداد الاسيره الى المعتصم شعر ابراهيم عزام الشمري
العرض العادي
