السلام عليكم ورحمة الله وبركاته
بعد مقتل الفارسين عقاب العواجي وحجاب العواجي في زبار وريك امام قبيلتنا شمر قيلت بعض القصائد احببت ان اوردها لكم وان شاء الله انه كامله ولا كامل الا وجه الله
قال الشاعر فالح بن فضل الغيثي :
ياوريك عفـي جانبـك فـاح بنـك = حيثك مقر اللـي يدنّـن الاجـراس
عيـون البنـات ملزمـن يرتعنـك = بوجيـه ربـع قطبوهـن بالألبـاس
ويابـدّهـن بسـاعـة ٍ يذكـرنـك = يم الجزيره ومـن الهـور غطـاس
وياعقاب عقبـان المنيصـي لونـك = واستلحقن ياعقاب راسك معـه راس
لاتحسب ان الخيـل قافـي عطنـك = ارقابهن عوج لكـم عقـب مـرواس
والخيل من شـان القضـى حييّللـك = وركبو عليهن مرويـة كـل عبـاس
ولـو ياخـذن مـرواس تعـاودلـك = السربة الحرشاء عليها بنـي يـاس
وآآشيب عينك وان حدوهـن وجنـك = شهب النواصي فوقهن كـل مدبـاس
مثـل النجـوم الهافيـه يعجلـنـك = على الطريـح مضريـات وعـلاس
بشرقي زبار وريك يـوم اسهجنـك = راحت تدحـدر جثتـك مابهـا راس
بحذيـهـن ياعـقـاب تودسـنـك = وراجن على قبره كريهات الاضراس
حـرارنـا ياعـقـاب تشالـقـنـك = من ضرب الاصخا يوم الارياق يباس
"هايس" على صـم الرمـك عابيلـك = بعيال شمـر مرويـة كـل مدبـاس
واحذرك عن كنعـان بشلفـا يشلـك = شلة عقاب لأبـرق الريـش فـراس
واحذر من اللـي بالقـدح غاذيلـك = قب قحـوم قمزتـه سبعـة اقيـاس
ومفيـز فـوق قشمـرة ٍ حاضيلـك = يبي القضى بهذلول بغليات الانفـاس
نخـاه هايـس قـال ابـي عادتلـك = وزته بوجه الشيـخ والخيـل قبـاس
وزتك بوجه الشيـخ وهـو والمّلـك = بمصقل ٍ عن جثتك يجـدع الـراس
وقال الشاعر مبيريك التبيناوي :
...نوت... صاحت وزجّت له اصوات = هيفـا تراهـا العـام لجّـت قطينـه
علـى شجـاع ٍ راح منـا للامـوات = منيـع ابـن نوبـان هـم خابرينـه
هـذي قـروض بيننـا يالقـرابـات = وحلـو ردّاد الجـزى قبـل حيـنـه
عقاب ٍ طريح ٍ يوم الافراس عجـلات = عزّات من طير ٍ نقـر حجـر عينـه
وحجاب ياما قال بالبيـت قـم هـات = عـزّي لـكـم يـالابـة ٍ فاقديـنـه
فـوات قبـل مدوّريـن الجـمـالات = ياليـت عقّـال العـرب حاظريـنـه
ايّـات خمسيـن تعشيّهـم الـشـات = ضياغـم ٍ مـن زوبـع ٍ خالطيـنـه
لميتيـن خيّـال وخيـل ٍ مريحـات = وجيش ٍ يعزّل مـن وراهـم كمينـه
من زوبـع ٍ والا السناعيـس لافـات = ذهيـب ماعـوّد علـى مرتجيـنـه
ردّت عليهم شمـر ٍ عقـب الاقفـات = وغـدو بصيّـاد الحبـاري بحيـنـه
عقاب ٍ حايضه هايـس ٍ والسويـدات = واظنّـهـم بمـشـورب ٍ متهميـنـه
وشلّـه مفيـز شلّـة الذيـب للشـات = ورمـاه لـلّـي يستغـلّـه بديـنـه
يشدى مراغاة صادر الزمـل مرمـاه = امـا يسـار جريـس والا يميـنـه
خلّـوه زينيـن الميـاحـه والاروات = ينام سعـدون ٍ علـى حـزن عينـه
ومن هدّة القعطان فرز الوغـى فـات = مغـداه يسـار وريـك والا يميـنـه
في راي ابو بـدر ٍ زبـون البليـدات = إليا طار عن جـرد السبايـا يقينـه
بـدر ٍ وكنعـان ٍ خـلاف الرديّـات = حبـس ٍ لتالـي خيلنـا ضامنيـنـه
ومن طاح خلف قطيّهن بالهوى مـات = عشّـوك ياذيـب الابـارق سميـنـه
بأيمانهـم مثـل المحـوص المـدلات = والريش من فـوق الغلـب مردفينـه
طريحهـم بالكـون مابـه مراجـات = ياكلـن حثّـات البـراثـن وتيـنـه
بحراب يامـا سفّـرن يـم الامـوات = تـروي زبـار وريـك يادايريـنـه
بالعون عقب عقاب هـدم ٍ للأبيـات = ولـو صيّحـن خفراتهـم عاذرينـه
وحجاب حوالي سايـر ٍ والقـدورات = ولـد عجـوز ٍ ظنّـهـم مرمليـنـه
هـذي سوايـا سايـر ٍ بالمـثـارات = صاحت جزى ماصاحت امـه جنينـه
وحنـا طلبنـا عنـد رب السمـاوات = اللي تراعـي بـاذر الزيـن عينـه
البوق يابن هضيب يظهـر عقوبـات = وعسـاه ترمـي ناقلـه قبـل حينـه
ابران حسـد القلـب مابـه مـراوت = فوايهـه وصلـت لسـوق المديـنـه
وصلو على نبّيكـم عـد مـن مـات = واعـداد ماتبنـي بيـوت ٍ قطيـنـه
وقال الشاعر رشيد بن طوعان :
عودن غزى بس الزماميـل والخيـل = يـدور صيداتـه بغـرات الاجنـاب
بـأول زمانـه بيّـد الكنـس الحيـل = وخبط بيمناه البحـر عقـب ماشـاب
ولا جت على درب الجزى والمصاويل = شيـخ ٍ ويقـدم لأول الخيـل نجـاب
عيـال الطنايـا معرّبيـن الاخاويـل = ردّو علـى ربـع ٍ تدانـو بالانسـاب
راح النذيـر وفـزّع النـزل بالليـل = والخيط الاسود ما جلـب فيـه الادّاب
وغشى زبار وريـك مثـل الهماليـل = ونشبت رماح القوم بقطي الاصحـاب
وترايعـو للهوش ربــع مشاكـيـل = حمّايـة الساقـات والخيـل هـراب
وتناطحـو باللغـف بحـد الغراميـل = والله ........لمصقع الحـر وعقـاب
والكل منهـم فـارس ٍ يـدّب الخيـل = ومتكاظمين مثل ابـى زيـد وذيـاب
اولاد وايـل كنّهـم جـاري السـيـل = قدامهم (غلبـا) ٍ يهـدّون الاصعـاب
مافوقهم كود ....الجـوخ والسراويـل = ورماح يوردن اشهب الموت بحـراب
شمر علـى قـب المهـار المشاويـل = عدّوهـم عـن لـذة النـوم ماطـاب
يا ضبيب لو ذبحـت كـل الزماميـل = ذبحت دخيل البيت مـا تفتـح البـاب
عيّنت شيـخ ٍ واقـع ٍ بأيمـن الخيـل = شيخ ٍ عليه البيض شقّقـن الاجيـاب
شيخ ٍ عليـه البيـض ......بالويـل = تعاطفـن مثـل المغاتيـر الاشبـاب
وان كان نوت تزعج الصوت بالحيـل = لعيون هيفا نـردع الشيـخ بحجـاب
حريمهم تصرخ صريـخ المحاحيـل = جاهن عليمن مع هلا الخيل ما طـاب
وحريمنـا لجّـن بزيـن الهلاهـيـل = وتوكدن مـن شلعـة الحـر لعقـاب
اربع ليـال(ن) مـا لقـوه المراسيـل = عليّت وجه ٍ كـوّح الصبـح بتـراب
وانا احمد اللي بالوسع عـدّل الميـل = وصارت عليكم يوم قدّيـت الاسبـاب
ياعقاب سلّم وعنـد وجهـك مشاكيـل = وانت القضى بهذلول عوّاق الاطـلاب
دنيـاك هـذي يالعواجـي غرابـيـل = من شق جيب الناس شقوا له اجيـاب
وقال الشاعر حسين الذنيب :
حر ٍ تنّهض من زميـل ٍ وابـى الزيـر = طلعـه طيـور ٍ بالعمـايـر عـدامـي
ادلـى بـدف وريـك عقـب المعابيـر = وفـرّق مبايـض القـطـا والحمـامـي
ادلى كما غرب ٍ علـى كوكـب البيـر = يمـا جمـع جفـل الضبـا والنعـامـي
باللغـف عـج الخيـل سـوّى عثاميـر = عـرق الايـادي مثـورات العسـامـي
وأقفـن بزوبـع كنّهـن زمّـة الحـيـر = يامـا لقوهـن مثـل جـول الادامــي
وتعـاودو مـن عقـب ماهـم مدابيـر = بأيمانهـم حـدب ٍ تـقـص العظـامـي
قـب النعـى يابـو نهـود ٍ مزابـيـر = علـى شجـاع ٍ طـايـح ٍ بإنخـدامـي
وارجـع لزوبـع والسناعيـس ياطيـر = كـان انـت جيعـان تـدور اللغـامـي
هايـس وكنعـان ٍ سطـام المناعـيـر = من فـوق قـب ٍ مثـل لـون الخيامـي
مـرّن عقـاب مثـل افـام الخنـازيـر = قطـم الفخـوذ مروبـعـات الهـوامـي
وإليا صاح اخو سعدى على الخيل كالزير = تركـب عنـه قـب المهـور الحزامـي
عجاجة ٍ صفـرا غـدى لـه معاصيـر = تجلى عـن القلـب الصـدى والهيامـي
وغنّـن بسايـر يالبـنـات الغنـاديـر = سـدّاد غيبتـنـا نـهـار الزحـامـي
ياعقاب سلّـم وعنـد وجهـك مساييـر = وبك القضـى ياريـف عجفـا سنامـي
غدوبـك القعطـان مـثـل المـداويـر = صريـخ عقبـان ٍ نـهـار الكتـامـي
ويانـوت ياسيـد البـنـات الغنـاديـر = انــا بشـيـر بيوتـكـم بالهـدامـي
واهدم بويتن عقـب ريـف المخاطيـر = شيـخ ٍ الـى شـاف المساييـر قامـي
وضبيب بنى بيته علـى قلـة الخيـر = فـوايـه ٍ عـنـد القبـايـل تسـامـي
ذبـح المنيـع وقـودهـم للخطاطـيـر = مـن عقـب مايشبـع ببيتـه طعـامـي
قـود الشـوارب بإختـلاط المناعـيـر = باللي نـزى ياضبيـب والقبـس حامـي
جزى عجـوزٍ زهملـت هايـس ٍ خيـر = حيثـه قشـع بيـت الحريـب المقامـي
وجلى عـن الكبـد الحـدى والمساميـر = وخلّـى مخاليـج الـعـذارى تنـامـي
رحمة الله عليهم اجمعين