(( ويني و وين مدوّرين التعاليل )) ,,,

قصيدة رثاء في رحيل فقيدنا فقيد قبيلة (شمر )عامة و (الأسلم)خاصه والدنا الراحل الشيخ/

فهد بن زبن بن عمرالزبن الغريري الأسلمي الشمري رحمه الله و أسكنه فسيح جناته

يمناك يا(نشمي)مع إخوانـك وشيـل=عبـأ الحيـاة ولاتبـيـن إستمـالـه
تكبر و تصغر في عيون الرجاجيـل=أهوالهـا حسـب عزايـم رجـالـه
ويبـيـن لا تـروّحـت بالتهـاويـل=صبـر العيـال و عزمـه وإحتمالـه
على الظفـر تكاتفـوا يـا المشاكيـل=ياكاسبـيـن الغانـمـه والجمـالـه
إنتم لها و إنتـم زحولـه ولا قيـل=(إخوة عَدي)يجـي للأعنـاق إطالـه
هل النقى و أهل الشرف و آهل الخيل=وعوق الخصيم ليا طنـب بالجهالـه
وأبو الجميـع أبوكـم أبـو التنافيـل=أبو المكـارم و العطـا و الجزالـه
كهف الضعيف ليـا حدتـه الغرابيـل=وذرا اليتيم اللي بـرى اليتـم حالـه
ريف الضيوف وللضوامـي هماليـل=وزبن الدخيـل وخيـر مـن ينعنالـه
على(فهد)يـا شاربـيـن الفناجـيـل=ترحّمـوا يازاكيـيـن السـلالـه
أقفـى ومـن عقبـه هقاويينـا حيـل=وأحوالـنـا ولا تـريـدون حـالـه
وآمالـنـا جـلايـب ٍ للعتـاتـيـل=وأحلامـنـا تعـانـق الإستحـالـه
بـي إتـق الله يـا مسـيء التآويـل=وإدخل على الله يـا لسـان العدالـه
دنيـا ولانـي ضـارب ٍ للمقابـيـل=حسـاب يـا علـه قريـب ٍ زوالـه
وينـي و ويـن مدوّريـن التعاليـل=حزنـي علـى (فهـد زبن)للثمـالـه
بعده ولاني مـادح الجـدي وسهيـل=قدّمـت يـا شعـر المديـح إستقالـه
خسارتي كبرى وياحيل أبـا الحيـل=مافوقـهـا إلاخـسـارة عـيـالـه
كف الحساني يـوم الأيـدي مغاليـل=نسـل المكـارم و الكريمـه سبالـه
حلحيل هيلـع مـن هيالـع حلاحيـل=مغيـث صـرّاخ الوغـى بالدخالـه
هديب شـام ليـا إعـذرن المحاميـل=زم الحمـول الكـايـده و إرتكـالـه
ماعـاد لدمـوع الفقـارا منـاديـل=عقـبـه ولا للباقيـيـن إشتـكـالـه
فــ الأغلبيـه تحسـب المـدح تطبيـل=والأكثـريـه يجهـلـون الرسـالـه
أقفـى و خلاّنـا بوجـه البهـاديـل=واللّعـوزه و الملعنـه و الـرزالـه
فـي هالزمـان الممتلـي بالأباطيـل=عـزّي لمنهـو سمعتـه راس مالـه
قليـل مـن يفـزع بليـا براطـيـل=وكثيـر منهـو حالـتـه ينرثـالـه
ويلي علـى شرّابـة البـن والهيـل=و ويلي على فزعة مميّـل عقالـه
أرثي(فهد)لاخيّـم الظلـم والـويـل=اللـي عليـه الشعـر خـدّم دلالـه
يـارب ميكائـيـل ٍ ورب جبـريـل=تقبّل و عسـى الخلـف فـي عيالـه
يا هازم أصحـاب الأخاديـد والفيـل=فـي وارف جنانـك وبـارد ظْلالـه
يامن عليك ولا على غيـرك نحيـل=آلامـنــا ونـعـقِـد الإتـكـالــه
عطفك ولطفك يامـن لعفـوك نخيـل=يا صاحـب العـزه ويـاذا الجلالـه
قلوبنـا عـلـى فـراقـه مغالـيـل=وصدورنـا ولهـا ولامـن بـدالـه

 

 

 

 

 

 

 

 

 

 

رحمه الله واسكنه فسيح جناته ونسأل الله له الرحمة والمغفرة.
الشيخ/ فهد بن زبن بن عمرالزبن الغريري الأسلمي الشمري
وجميع أموات المسلمين
امين يارب العالمين.

اخي الفاضل وشاعرنا المبدع غازي البستان حفظه الله
صح السانك وعلا شانك
لاهنت وسلمت يمناك على نشرالقصيده المرثيه الرائعه
عافاك الله

 

 

 

 

 

 

 

 

 

 

صح لساانك ياغازي....

ورحم الله فهد بن زبن ورحم الله اموات المسلمين.

 

 

 

 

 

 

 

 

 

 

رحم الله الشيخ فهد بن زبن الأسلمي

وصــح لسـانـك أخوي غازي .

 

 

 

 

 

 

 

 

 

 

رحم الله الشيخ الفقيدة فهد بن زبن الأسلمي

وصح لسانك ياشاعرنا القدير على المرثيه الجزله

تحياتنااااااااااااااالاخويه

 

 

 

 

 

 

 

 

 

 

السلام عليكم ورحمة الله وبركاته
رحمك الله يابوزبن رحمة واسعه واسكنك ومن معك دار النعيم وجميع موتا المسلمين .
وبارك الله بك , وصح لسانك شاعرنا المبدع المتألق دائما والجزل ابو نايف ورحم الله والديك
والفقيد يستاهل الجزاله / لاتبخلون عليه با الدعاء . ولكم تحياتي

 

 

 

 

 

 

 

 

 

 

رحم الله الشيخ / فهد الغريري

الله يغفر له ويحسن مثواه

ويجعل قبره روضة من رياض الجنة

والله يحسن عزاء أهله ويعينهم على ابتلاهم ويلهمهم الصبر والسلوان

ما مات من أنجب عيال


الشاعر/ غازي

صح لسانك والله يجزاك الف خير

جزالة وسبك وحبك

دمت بهذا الرقي

 

 

 

 

 

 

 

 

 

 

قصيده جميله ورااائعه

يعطيك العافيه

 

 

 

 

 

 

 

 

 

 

شكرا لكل من ساهم في الرد و الدعاء على فقيدنا الأب الغالي الشيخ / فهد الزبن

أبو زبن نبكيه و تبكيه المعالي و المضايف و الأيتام و المحتاجين

نحن أبنائه و إخوان أبنائه

تربينا أن لا نبيع مشاعرنا رغم فهم البعض كما ذكرنا بالنص أعلاه بأنه يعتبر المدح تطبيل

ممكن حتى في الرثاء و هذا ضربا ً من الظلم و الإفتراء اللذي ينتج عنه الفرقة و الشقاق هذا

إن كان متوارث فيه أو مبعوث من أجله أو يريحه ذلك فهم لا يفقهون الرسالة بالنص بالإظافة

لخواء عقولهم و فطرتهم من المشاعر والأحاسيس حيشاكم

فما أنا إلا إبنٌ بكا أباه ه بطريقته الخاصة

دمتم و دمنا ودامت شمريتنا أبيّة شامخة مصونه


لاهنتوا

 

 

 

 

 

 

 

 

 

 

تسلم يالبستان علي المرثية الرائعة ورحم الله فقيد شمر