الفززعه الغلامين من يفيدن بهالتزوير هذا

هذي القصيده لقيته بحدا منتدياات القباايل العزيزه ولما قريته عررفت انه لشمري مي لهم ومزورين الابيات الي يذكربه شمر وحاطين بمكانه الجبور او اخوان هدله بالله عليكم اريد القصيده الاصليه ومنهو الشاعر بأسرع مايمكن ابي اردلهم هالمره اادبهم صح هااكم القصيده المزززوره







حناالمسلط اهل الكرم ورمز الشجاعه

حنا وبعد حنا وتكفي بس كلمة حنا
حناالمسلط اهل الكرم ورمز الشجاعه

وتشهد بعد كل القبايل علينا
إنّ المسلط اسم ذيك القبيله

اسم المسلط تاج فوق الجبينا
تاج ينومس كل راس .. يشيله

تاريخنا وافي لصرحه بنينـا
بافعال ربعي كاسبين النفيله

مثل النجوم الساطعات اعتلينا
ومثل السحاب وكل عينٍ تخيله

يابنت حنّا لازعلنا .. نوينا
ماهي سوالف (ألف ليله وليله)

(جبور) ليا عدو علومه تبينا
أفعالنا بالطيب كلٍ دريلــه

كبار الصحون ونفتخر لاحكينـا
وساع الطعون وفعلنا مايبي له

لاجا نهار؟! بالملاقى رسينا
مثل الجبال الراسيات الثقيله

يابنت حنّا لامشينا كفينـا
والله وكيلك مامشينا بحيله

نزوم لكن لانوينا قوينا
للعز نجم يستخيل ونخيله

عاداتنا_عاداتنا لارتكينا
كل الحمول الكايده نرتكيله

نشوش لامنّه تعزوى .. حدينـا
لاثار عج الخيل كلٍ وخيــله

حنّا مقابيس الوغى لاانتهينا
نار تقابس عند قبس الفتيلة

اليا ركبنا ظهورهن واعتلينا
عيب على اللي مايناطح قبيلة

حنا الملحم لازعلناوزمينا
نزوم زومات البحور الطويلة

والله نقط اروحنا ماانثنينا
يوم الشدايد والسيوف الصقيلة

نشرب قراح صافي لاضمينا
حتى يبل اكبودنا سلسبيلة

نموت في عز وشرف ماشكينا
لاماشكينا ولابتي ينشكي لة

عاداتنا يابنت لامن غزينا
بسيوفنا نشف القلوب الغليلة

بالدم خضبنا السيوف وكسينا
لجل العيون الناعسات الكحيلة

كم فارس من فوق خيلة رمينا
من هامنا تبكي علية الحليلة

حريبنا يبلش ولا له معينا
إليا وقع بين الصناديد ويله

إليا رفع خشمه لخشمه وطينا
ناطا على خشمه وراسه نزيله

قاسين لاشان اللقا مانلينا
والموت لا منّه دعانا نجيله

بيض النوايا لابتي له وفينا
حنّا الجبور يالقلوب الهبيله

وخوينا لاصار داله رضينا
حنّا هل الخوه ويكفي دليله

والجار كنّه من حدا والدينا
لو كان يخطي نحتمل جور ميله

والضيف نذبحله وتشهد يدينا
يكفي كرمنه الجبور الأصيله

ويشهد لنا ذيب تعشى السمينا
عشوه ربعي بالسنين البخيله

حنا هل الناموس رحنا وجينا
وأهل الوفا والكيف دله وهيله

وأهل الكرم حنا وياما عطينا
ياماعطينا من العطايا الجزيله

مثل الجبال بطيبنا شامخينا
افعالنا .. يابنت ماينقويله

يابنت حنا الجبور لازعلنا سكرنا
نسكر بليا خمر نسكر شجاعه
كم راس شيخ فالمراغه عفرنا
وكم شنب قد وطينا نخاعه

ماهي سوالف ألف ليله وليله

 

 

 

 

 

 

 

 

 

 

راعـــــــــــي الحــــــرشــــــــــــــــــــــا 00ياهــــــــــــلا والســــــــــــــاعة المبـــــــــاركة
ودي أعــــــــــــرف وشــــــــــــــلون عرفـــــــت وحكمـــــــــــــت أن القصــــــــــــيدة مزورة
وماهــــــــــــي لهـــــــــــــــم وبعديــــــــــــــن وشـــــــــــــــــــــلون عرفــــــــــــــت أنهـــــــــا لشــــمري !!
راعـــــــــي الحــــــرشـــــــــــــــا الأبيـــــــــــــات اللـــــــــــي تشـــــــــــــــوف أنهـا معدلـــــــــــــــه
أنـــــــــــت أقلبـــــــــــــها وخــــــــــــــلك ذيــــــــــــب 00 وأدبهـــــــــــــــــــم والبــــــــــادي أظلـــــــــــــــم !!
ــــــــــــــــــ
تســـــــــــــــلم وما قصـــــــــرت طـــــــــــــال عمركـ 000

 

 

 

 

 

 

 

 

 

 

ركز علي هالبيتين وانت تعرف منهيله

كبار الصحون ونفتخر لاحكينـا
وساع الطعون وفعلنا مايبي له




ويشهد لنا ذيب تعشى السمينا
عشوه ربعي بالسنين البخيله

 

 

 

 

 

 

 

 

 

 

(( حــنـــا الـطـنــايــا ))

حنـا الطنايـا .. لاطنينـا .. iiطنينـا = تشهد لنا حايل .. واجاء .. iiوالرعيلـه
وتشهـد بعـد كـل القبايـل iiعليـنـا = ان الطنايـا .. أسـم ذيـك iiالقبيـلـه
أسـم الطنايـا تـاج فـوق iiالجبيـنـا = تـاجٍ ينومـس كــل راسٍ iiيشيـلـه
تاريخنـا وافـي لصـرحـه iiبنيـنـا = بأفعـال ربعـي كاسبـيـن iiالنفيـلـه
للشمـس مرقـاب الطنايـا .. iiرقينـا = في قمته .. في قمتـه .. نرتقـي لـه
مثـل النجـوم الساطعـات iiأعتليـنـا = ومثل السحـاب وكـل عيـنٍ iiتخيلـه
يابنـت حنـا لازعلـنـا .. iiنويـنـا = ماهي سوالف الف .. ليلـه .. iiوليلـه
شمـر ليـاعـدو اعلـومـه تبيـنـا = افعالنـا بالطـيـب كــلٍ iiدريـلـه
كبار الصحون ونفتخـر .. iiلاحكينـا = وسـاع الطعـون وفعلنـا iiمايبيـلـه
لاجـاء نهـارٍ بالمـلاقـى iiرسيـنـا = مثـل الجبـال الراسيـات iiالثقيـلـه
يابنـت حنـا لامشيـنـا .. iiكفيـنـا = الله وكيـلـك مامشيـنـا .. iiبحيـلـه
نـزوم لاكـن لانويـنـا .. iiقويـنـا = للعـز نجـمٍ يستخيـل .. iiونخيـلـه
عاداتنـا .. عاداتـنـا .. iiلاأرتكيـنـا = كـل الحمـول الكايـده .. iiنرتكيلـه
نشـوش لامنـه تعـزوى .. iiحدينـا = لاثار عـج الخيـل كـلٍ .. iiوخيلـه
حنـا مقابيـس الـوغـى لاأنتخيـنـا = نـارٍ تقابـس عنـد قبـس iiالفتيـلـه
اليـا ركبنـا ضهورهـن iiوأعتليـنـا = عيبٍ على اللـي مايناطـح .. iiقبيلـه
مثل المزون الناشيـات .. ان iiمشينـا = ولاكماسـيـلٍ تـحــدر iiمسـيـلـه
حنـا الطنايـا لازعلنـا .. iiوزميـنـا = نزوم زومـات البحـور .. iiالطويلـه
والله نقـط ارواحـنـا .. ماأنثنيـنـا = يوم الشدايـد والسـوف .. iiالصقيلـه
نشـرب قـراٍحٍ صافـيٍ iiلاضميـنـا = حتـى يبـل اكبودنـا .. iiسلسبيـلـه
نموت في عز .. وشرف .. iiماشكينـا = لاماشكينـا ولابـتـي .. iiينشكيـلـه
عاداتنـا .. يابنـت لامـن .. iiغزينـا = بسيوفنـا نشـف القلـوب .. iiالغليلـه
بالدم خضبنـا السيـوف .. iiوكسينـا = لجل العيـون الناعسـات .. iiالكحيلـه
كم فارسٍ من فـوق خيلـه .. iiرمينـا = من هامنـا تبكـي عليـه .. iiالحليلـه
حريبنـا يبلـش ولالــه .. iiمعيـنـا = الياوقـع بيـن الصناديـد .. ويـلـه
اليارفع خشمه .. لخشمـه .. iiوطينـا = ناطا على خشمه .. وراسه .. iiنزيلـه
قاسيـن لاشـان اللغـى .. iiمانليـنـا = والمـوت لامنـه دعانـا .. iiنجيـلـه
بيض النوايـا لابتـي .. لـه iiوفينـا = حنـا الطنايـا يالقلـوب .. iiالهبيـلـه
وخوينـا لاصـار دالـه .. iiرضينـا = حنـا هـل الخـوه ومنـا .. iiدليلـه
والجار كنـه مـن حـدا .. iiوالدينـا= لوكان يخطي نحتمل جـور .. iiميلـه
ودخيلنـا لامــن زبـنـا iiحميـنـا = وليا عوى ذيـب الفيافـي .. iiنعويلـه
والضيـف نذبحلـه وتشهـد .. يدينـا = يكفي كرم حاتـم بذبـح .. الاصيلـه
ويشهـد لنـا ذيـبٍ تعشـى iiالسمينـا = عشـوه ربعـي بالسنيـن .. iiالبخيلـه
حنا هل الناموس .. رحنـا .. iiوجينـا = وأهل الوفا .. والكيف .. دله .. وهيله
وأهل الكـرم حنـا ويامـا .. عطينـا = ياما عطينا مـن العطايـا .. iiالجزيلـه
مثـل الجبـال ابطينـا .. iiشامخيـنـا = أفعالـنـا بالطـيـب .. ماينـقـولـه
يابنـت والله .. لاطنينـا .. iiطنيـنـا = ماهي سوالف .. الف ليلـه .. iiوليلـه

الشاعر


خــلــيــف الـجـهـيـلــي


الف شكرك
اخوي

دمت بحفظ الرحمن

 

 

 

 

 

 

 

 

 

 

عشت عشت وسلمت يمينك اخوووي ذيب العليااان والله اني ماقدرت اناقشهم بليا اثبااات والشكر والتقديرر لكل اعضاء المنتدى

 

 

 

 

 

 

 

 

 

 

الاخ راع الحرشا اشكرك على هذا الموضوع وكشف الحقيقه والنعم من الجبور

لكن اتاسف على سرقة قصيده ليست لهم

والضيف نذبحلـه وتشهـد .. يدينـا =يكفي كرم حاتـم بذبـح .. الاصيلـه

ويشهد لنـا ذيـبٍ تعشـى iiالسمينـا=عشوه ربعـي بالسنيـن .. iiالبخيلـه

وهذه معروفه بين كل القبائل انه للعليان من عبده ولااحد يستطيع ان ياخذها منهم

واشكر الاخ ذيب العليان انه اسم على مسمى وسلمت يمينه على هذه الاضافه