من صـــــنا ديـــــد الشـــــــــلــقـــــان *2*

الصنديد. حسيب ابن مخيمر الشلاقي الشمري والفارس الشيخ حمد ابن بنيه الشعلان.

بنا على طلب العضو بهذا المنتدى الاخ الفاضل, ابوحارث المدعول.
اورد لكم هذي القصه الموكده والمعروفه والتي كان بطلها الفارس حسيب الشلاقي.

القصه باختصار وقصيده اثباتها من الخصم الشهم الفارس حمد بن شعلان.

ابن شعلان.. نذر جزور اذا مسك حسيب الايختلط دمه مع دم الجزور. لان حسيب اذا الروله بالمغازي وبين حين والاخر يغير على اباعرهم وياخذ منهاوشاع صيته ونذر على قضبته ابن شعلان.

وفي يوم عيد الاضحى صدرت ابل الروله من الخصم(مغيره)(وصوير)(وهديب) في منطقه سكاكاء. وجنب الابل اي حمايتها تركوها علشان العيد يفرحون ويلعبون بالعيد وقال الشيخ الفارس حمد ابن بنيه الشعلان انا جناب الابل وحاميها وانتم يالروله اقعدو بهالعيد.وصدرت الابل بتجاه النفود وحول بنيه براس نازيه اسمها(حسناء ام الركبان)وربط فرسه بالغضات وعمل قهوته يراقب الطرش تحته بالخور.ولايعرف ان اذيب حسيب يراقبه.؟؟

البطل حسيب. كان ومعه ركب من الشلقان عاملين كمين للابل ومن معها ويشوفون كل شي. قال حسيب يالشلقان الابل ما معها الاحمد راعي العلياء ولاينهجم عليه مباشره اعرفه وتعرفون انه ناذرا علي ولكن لايتحرك منكم احد ابي التسلل عليه لوحدي اما طرحته ولا اوفا نذره ابي اخالطه وانا واياه تحت الله ان سيطرت عليه دعيتكم وان سيطر علي تصرفو.

وعدى عليه ولاحس بنيه الا اخوسحيبه فوقه والخنجر بقري حلقه .

ابن شعلان.. ولد قنه والله ادري ماياصلني الا انت حول عني ياولد قنه ماني حمارلك وحول حسيب واستسلم بن شعلان له..

حسيب..صوت حسيب للشلقان وحضرو وقال حسيب للشلقان والله يالدعوج شيمتنا تمنعنا من اخذ الابل اللي تحت حمايه هال اجودي اخاف يضحكون عليه الروله يامننا اخذنا اللي بحمايته عفا الله وعفينا.

ابن شعلان.. الطيب موبس لك ياولد قنه. يوم انك تشيمت شوف ابل الحازم بخب عتيق خذها يا اخوسحيبه تراها ماهي بحمايتي. ومشو الشلقان بقياده حسيب واخذو ابل الحازم..

ويقصد حمد ابن بنيه بحسيب.

علطان يامرهن بالطيب..حبائل الغوش صادنـه.
جناب ولوح عليه حسيب..اللي سدحني ولد قنه.
اللي سدحني سوات اذئب..عقب السطرمالي الفنه.
حسيب مع العرب ماجيب..والبيض ماعاد جابنه.
من لابتن يفعلون الطيب. عساء مـلافيه للجنه.
لــــولاه مازادنا بالطيب..خلاء المخاليل له حنه.

قنه ام حسيب.

هذي هي قصه حسيب مه ابن شعلان فقط وله افعال وقصص كثيره وقويه ومؤكد.

امل ان تجد هذي القصه من يقدرها ويثمنها.

 

 

 

 

 

 

 

 

 

 

الف شكر لك اخوى طنيان

ونعم بحسيب وابن شعلان .... والشلقان كل سوالفهم وعلومهم ترفع الراس

ولكن انا سمعت انهم عيال خاله او ارحام... هل هذا صحيح

 

 

 

 

 

 

 

 

 

 

المشاركة الأصلية كتبت بواسطة ابو حارث المدعول

الف شكر لك اخوى طنيان

ونعم بحسيب وابن شعلان .... والشلقان كل سوالفهم وعلومهم ترفع الراس

ولكن انا سمعت انهم عيال خاله او ارحام... هل هذا صحيح

لالا حسيب خواله الشلقان والرمال مشتركين بقنه امه لها اخوه من الرمال وهي شلاقيه ولا له رحم مع الروله هوعدوهم اللدود.

 

 

 

 

 

 

 

 

 

 

الف شكر الاخ طنيان والف نعم من حسيب ومليون نعم من الشلقان كلهم لان فيهم ابطال سطروا ملاحم

تشهد فيها الاجناب قبل شمر سلمت يمينك ولاتحرمنا من هذه القصص التي ترفع الراس وتنومس

واكرر شكري لك

 

 

 

 

 

 

 

 

 

 

طنيان كم انت رائع

اخى ليس عيباً ان تمدح ربعك فهناك سوالف طيبه للشلقان نريدها منك
فما نطلبه منك سمعنا به ولكن مالم نسمع به من اين ناتى به .. الا من الطيبين مثلك وشرواك

 

 

 

 

 

 

 

 

 

 

أخوي طنيان ألف شكر على طرحك لمثل هذه القصص عن بعض الابطال من أخوات علياء الدعوج0
أرجو لاتنسى ترد على طلبي بتنزيل قصة المرحوم (ضبعان ابن مخيمر) الذي ادرك البيض لشمر0
لانني اسمع أن الروله رفعوا له البيضاء ولا أعرف تفاصيل القصة بالضبط0 نبيها منك لاعدمناك0

 

 

 

 

 

 

 

 

 

 

شكرا لك طنيان على ذكر هذه القصة




/

/
وسطنا الخط حسب رغبتك

تقبل ودي

 

 

 

 

 

 

 

 

 

 

كفو ياطنيان كفو ماقصرت ، وكل ماكان الموضوع به قصيده تزيده توثيقا وروعه ، الف شكر (طنيان)

ولاتبخل علينا من هذه البطولات التى تنومس كل شمري

 

 

 

 

 

 

 

 

 

 

ونعـم والله بالشلقان ..


لاهنت يابعد حيي :)

 

 

 

 

 

 

 

 

 

 

ونعم بالشلقان..يرفعون الراس
ولاننسى حمد بعد تصرفه طيب
مع حسيب..وقصيدته عد به الصحيح
ونعم بوه
والله يعطيك الف عافية..