لنا جبــــريل من الجبار حــوّل // وعطانا الملك مار الملك زايــل

نلـح ركابنـا والـدرب طـوّل=وزمـا بعيوننـا لآل القوايـل
زمـا بعيوننـا شـي ٍ يهـوّل=غريب الدار وركابـي نحايـل
غريب الدار لـو راح وتجـوّل=ماهو مرتاح وعيونـه تخايـل
وانا لوجيب لي عرش المعـوّل=ابيع العرش في سجـه ل/حايـل
انا من شمر هل المجـد الأوّل=فخر للسيف والخيـل الأصايـل
فخر للسيف كان الجمع ضـوّل=ونزوح الجمع كان الجمع صايل
ولا يالايـمـي لا لا تـهـوّل=انـا ويـاك ورجـال الحمايـل
حقايق مهـي اقـوال ٍ تقـوّل=دلايـل يارديـيـن الـدلايـل
ماهي من اليوم لاوالله من أوّل=حكمنا نجد مع سبـع القبايـل
لنا جبريل مـن الجبـار حـوّل=وعطانا الملك مار الملك زايـل
وعطينا من نصى الدار يتسوّل=وذبحنا من نصى للـدار عايـل
ولنا منهـاج ماعنـه نتحـوّل=ولا نرتاع من صلـو الفتايـل
وأنا ودي لو ان القـاف طـوّل=ولكن خفت يجي القـاف مايـل

.

.
.
.
لـ / سالم بن رمـال

 

 

 

 

 

 

 

 

 

 

مستحيل يكون القاف مايل مع هذه الاصاله الشعريه

صح لسانك مليون أخي الكريم

 

 

 

 

 

 

 

 

 

 

صح فكرك وذاتك

على النقل المميز لـ هذه الشامخه

تحياتناااااااااااالاخويه

 

 

 

 

 

 

 

 

 

 

السنجاري انت ابداع وتميز وحريص على

شوامخ شمر وكل ميهم التاريخ الشمري

وصانعين تاريخ شمر الله يبارك فيك

تقبل مني خالص التحيه بكل ود

 

 

 

 

 

 

 

 

 

 

الاخ محمد السنجاري تسلم على هذا النقل الرائع

وما هو غريب على الطنايا هذا المدح

الله يعطيك العافيه

وصح لسان الشاعر سالم بن رمال


دمت بعز دائما انت وشمر

 

 

 

 

 

 

 

 

 

 

لنا جبريل من الجبـار حـوّل
وعطانا الملك مار الملك زايـل
وعطينا من نصى الدار يتسوّل
وذبحنا من نصى للدار عايـل


صح لسان شاعرهاا وماقصرت يامحمد على المشاركات الجميله اللي عندك
يوم بيوم اتبع مشاركاتك لانها اجمل مشاركات مرررت بها

تقبل مروري ومشكوور كثر ماتشرب من ماء

 

 

 

 

 

 

 

 

 

 

قواكم الله على التعقيب ،، لاهنتوا .

 

 

 

 

 

 

 

 

 

 

انـا مـن شمـر هـل المجـد الأوّل فخـر للسيـف والخـيـل الأصـايـل
فخر للسيـف كـان الجمـع ضـوّل ونزوح الجمع كان الجمع صايل


صح لسان ابن رمال وبيض الله وجهه



اخوي الغالي محمد ابو سنجر يابعد حيي على هالقصيده وانت يابعدي


ماتجيب الا العلوم الطيبه يالطيب الله لايهينك