السلام عليكم ورحمة الله وبركاته
من عرضات اهل حائل بالحروب نختار لكم هالعرضتين
1 ـ عرضة لشاعر الجبلين عبدالله الصالح الاشقر :
نحمد اللي منشي مزونـه=عز قوم بعينـه رعاهـا
نعمة الرب لا تجحدونـه=مودع لابتي من علاهـا
غوش حايل دخنها دخونه=اللقا والحرايـب مناهـا
كم جمع تصافق ركونـه=بالهنادي نطيـر شذاهـا
كم قرم تطارخ ردونـه=راح راسه بشامي شذاها
2 ـ والعرضه هذي لفهد الفويه :
حمدنا الكريم بزين الاسناع=ضحى شفت زيزوم الطنايا
تحزّم على صفراه فـزاع=يدور العشا ذيب السرايـا
واثار الامير اليوم طمّـاع=يدور الطمع عطب الهوايا
مهو للطمع شاري وبيـاع=يبي للعطا جزل العطايـا